sation; lors que n'eftant que Capitaine, d'vn nauire, auec fon vaiffeau il fe battit vne fois contre treize Dunquerquois, en coula trois à fonds, fe demefla glorieufement des autres, percé comme vn crible, fon grand courage & le mespris qu'il fit lors de la mort le fit toûjours admirer, quand affailly, cramponné & accroché de costé & d'autre par deux nauires, & enuironné du refte, pluftoft que de fleschir & fe rendre à fes ennemis qui l'inuitoient à demander quartier ; il auoit mis fon fils aifné aupres des poudres, vne mesche allumée à la main, & ordre de ne manquer point d'y mettre le feu auffi toft qu'il luy commanderoit, ou qu'il le tueroit luy-mefme. Il eut la meilleure part à la victoire que les Eftats generaux fes maiftres obtinrent en l'année 1639. fur l'armée nauale d'Efpagne, aux Dunes d'Angleterre. Il rendit de grands feruices à la France au siege de la ville de Grauelines,laquelle il tint cependant bloquée par mer; c'eftoit le feau des Efpagnols & deuint redoutable aux Portugais au Brefil; mais il mourut enfin comme les autres hommes, & non pas fon renom. Les deux fils qu'il auoit là empefcherent qu'on ne iettaft fon corps, gros & replet dans la mer, ny qu'on l'ouurift aucunement pour ietter du fel dans fes entrailles, afin de le conferuer: la puante odeur que rendoit ce cadavre faillit à nous faire creuer, le gouft des viures du nauire sembloit eftre infecté de fa putrefaction. La grande quantité de poix dot on auoit enduit fon corps & fon cercueil couuert & enueloppé de quatre ou cinq pieces de voiles I'vne fur l'autre, deftrempées dans le gauldron, & ainfi caché dans le fable en la pifcine, ne pouuoit pas nous garantir du mauuais air qu'apportoit cette corruption: par cinq ou fix fois l'on fe mit en deuoir de luy donner les eaux & les poiffons pour fepulture, afin de nous deliurer de cette incommodité, mais àcause qu'il nous falloit aborder en Zelande, où eftoient leurs parens, il eftoit à craindre que n'y eftans pas les plus forts, ils ne nous en eussét fait mordre les doigts,nonobstant toutes nos raisons cela nous obligea à conftamment patienter. En cette fouffrance accompagnée de l'eau puante, pleine de bouë & de vers pour noftre boiffon, & des vieilles viandes gastées pour nostre manger, nous ne vifmes prefque point ou peu de poiffons, les Pilotes nous menerent paffer à quelques cinquante lieuës, & derrierre les illes Flamandes, & par vn endroit où on affeure que iamais on n'y a veu la mer paisible, mais fans ceffe efmeuë & agitée: nous fufmes cinq iours à le paffer auec vn vent tant contraire & vne fi continuelle tempefte, que nos nauires qui n'eftoient pas des meilleures nous donnerent de l'apprehenfion, les groffes vagues entroiết fouuent dedans & faifoient pomper pour rejetter l'eau, trois fois plus qu'à l'accouftumée : le Vice-admiral qui ne pût refifter aux rudes fecouffes des ondes fe fendit, & le trauail & le foin furent grands à fecourir & fauuer ceux de dedans, dont quelques-vns se noyerent; les refchapez furent difperfez dans les autres vaisseaux, celuy-là & tout fon équipage perit entierement; vn autre faillit à en faire de mefme, ce qu'il éuita par l'industrie des charpentiers, qui radouberent foigneufement les endroits par où l'eau entroit, & la quantité de trous que les vers auoient fait dãs le bois pourri du fonds du nauire où ils s'eftoient engendrez, mais non pas fi parfaitement qu'il ne fallut par iour, & fans relafche donner quatre mille coups de pompe,à moins que de fe laiffer fubmerger. Apres eftre fortis de deffus ces ordinaires orages nous entrafmes dans vne mer plus tranquille, mais où auffi nos vaiffeaux fe trouuerét arrestez à tous momens par quantité de tirfes & feuilles grá des & larges, entrelaffées les vnes dans les autresà la façon du lierre, ayants vn fruit fem blable au guy de chefne, affemblées en forme de bandes grandes &vnies, de cinq ou fix pas de largeur & de longueur à l'infini, diftants comme de cinq ou fix cens pas plus ou moins, qui arreftans nos vaiffeaux tout court, nous obligeoient à defcendre dans les chaloupes pour couper les obftacles qui nous empefchoient:les Pilotes qui ne voyoient point paroiftre la terre, iettoient trois ou quatre fois la fonde par iour, afin d'apperceuoir fi nous en eftions proches: ne trouuants point de fonds, dans l'incertitude du fejour que nous pouuions faire, la portion de nos viures fut retranchée, & lors mefmes que les Pilotes nous iugeoient derrierre l'Escoffe, nous vismes paroistre deux nauires, courufmes apres & fçeufmes qu'ils eftoient & s'en retournoiết à Hambourg, Republique du Septemtrion qui n'a guerre auec aucun Prince de la Chreftienté & n'apprehende que le Turc & les Pirates; ils eftoient partis de Defportes, port le plus renommé de Portugal apres Lifbonne, chargez de vins d'Espagne, oranges, citrons & marrons, nous tournafmes nos voiles à eux pour les approcher,qui fe doutans bien que nous n'eftions que quelques affamez, & qu'il n'y auoit point de profit à nous accofter, tafchoient à nous cfloigner. Cela recognu en les pourfuiuant & ne pouuants les ioindre que d'vne portée de moufquet, on leur lascha vn coup de canon, & la nuit furuenant, le lende main matin ils fe rencontrerent malgré cum par le moyen du vent tout proche de nous.on leur fit à l'abord present de deux boulets de canons ; eux qui vitent qu'ils ne pouuoient plus nous efuiter, enuoyerent en vne chaloupe dans noftre nauire Admiral, outre ce qu'ils donnerent en apres aux autres, deux bariques de vin d'Espagne & trois corbeilles de citrós, oranges & marrons, & de plus en diftribuerét confufément quantité fur le tillac, qu'ils faifoient achepter aux foldats & matelots à tirepoil & coups de gourmades. Ils aduoüerent auoir apprehende nostre accez, crainte que ce ne fuft des Pirates, parce qu'il n'y auoit pas quinze iours que cinq vaiffeaux Turcs ayants la banniere Hollandoise surprirent trois nauires d'Hambourg fortans de Lifbonne & à quelques trente lieues en mer; que le Capitaine & le Pilote de l'vn de ces nauires qui les emmenoient auec eux, ayants reconnu que c'eftoit des brigands, que les autres eftoient pris & venoient pour traitter de mefme leur nauire, ne pouuoient efchapper de leurs mains, fans dire mot à leurs gens & feignants d'aller vifiter ces vaiffeaux incognus, defcendirent feuls dans vn efquif, s'expoferent à la mercy des vagues fans bouffole, voiles ny viures,voguerent à l'hazard l'efpace de trente lieuës, & finalemens ils arriuerent comme miraculeufement à Defportes, fans du depuis auoir ap |
