Pifon demeure d'accord auec luy liu. 4. de la faculté des fimples, ch. 2, où il dit, outre ce que la farine de cette racine eft nommée par ceux d'Angola, & de l'Espagnole, Casfaui. Il y a fuiuant qu'il le raconte plufieurs efpeces de Mandioque, ou Mandihoque, la premiere Mandiibabuara. La feconde Mandiibparati, qui a les racines & les nœuds de fes tiges blancs. La troifiefme Mandiibucu. La quatriefme, Mandiibumana. La cinquiefme, Âypi. La fixiefme, Tapecima. La feptiefme, Arpipoca. La huictiefme, Mandijuba. La neufuiesme, Macaxera. Dont les sept dernieres efpeces ont les racines, & les tiges d'vn rouge délaué. Elles ayment les montagnes & lieux fecs, veulent eftre tranfplantées en efté en temps fec, & dans des champs ouuerts au Soleil, & s'il fe peut dans des penchans des petites montagnes, où les Tapuies ont accouftumé de dreffer leurs roffes, que les Portugais appellent Chocus pour faire efcouler les eaux du ciel, apres auoir coupé tous les arbres voifins, pour donner air aux tuyaux noüeux de la Mandioque, de laquelle on met les baftons dénuez de fueilles vn pied en terre, le demy pied qui refte auec son nœud eftant laiffé dehors pour en ietter de nouuelles, & ce qui eft dedans pour faire racine. Ils laiffent l'efpace de trois pieds entre

deux baftons, ou tuyaux, ont foin de tirer les mauuaifes herbes qui viennent autour. Les Portugais font des pieces de four de la farine de Mandioque auec du beurre & du fucre. Ils en font encore vne forte de bouïllie, dans laquelle ils meflent du poiure du Brafil & de la fleur de Nhambi, dont ils font grand cas, Les fauuages appellent cette boüillie Maugau de Carima.

35. Cenom Espagnol monftre que celuy qui le porte auoit efte baptifé & ainfi nommé par vn Portugais, encore qu'il y ayt plufieurs Brafiliens qui en faueur des Portugais leurs amis, ou des Hollandois, ont pris les noms, de leurs premiers hoftes.

36. Ainfi fe nomme vn chef des Tapuies dependant de Iandhuy.

37. Il y en a en fi grande abondance, que tous les champs & les chemins en font pleins, les Portugais les nomment Reyez do Brafil, Roys du Brafil, parce qu'ils regnent par tout, & fe nourriffent de tout ce qu'ils trouuent, chair, poiffons, fruits, graines, herbes,racines, ferpens, crapaux, fcorpions, n'esepargnant que les feuls fruits qui font aigres, comme la Iunipaba: Elles font leurs magafins fur terre, auffi haut efleuez que font nos plongeons de foin, que nous amafsons dans nos prez, apres la coupe : les habitans des

hieux appellent ces amas, Inhfaube. Il y en a qui ayant des aifles volent, elles font longues d'vn doigt, la tefte en figure de triangle, & le corps feparé en deux par vn petit filet, qui attache les deux parties. Elles ont deux dents en bouche,fourchuës & tráchantes, les yeux petits, & fur la tefte deux petites cornes fort menuës. Six pieds, quatre aifles. Tout leur corps eft de couleur brune, elles entrent en terre promptement & foüïffent comme les taupes. Elles broutent vifte & confument tout en moins d'vn moment, On voit és mefmes lieux d'autres fourmis de mefme grandeur, defquelles le corps eft separé en trois parties. par deux filamens, fans aifles, fon nom éft Tapiiai. Il y en a auffi de couleur de chastagne femblables aux autres, finon que tout leur corps eft couuert de pail à mesure qu'elles vieilliffent elles prennent des aifles, on appelle cette forte de fourmis, Cupia, noftre autheur Capiaira: on en mange faute de meilleure viande. Marcgrauius auliu. des infectes ch.6...

38. Le me perfuade que cette riuiere fe iette en cet endroit, ou plus bas dans la grande riuiere Oftohunogh, fur les bords de laquelle nous auons dir, apres Marcgrauius,au liu. 8. de l'histoire naturelle du Brafil.ch. 4. que landhuy faifoit fa demeure.

38. La

39. La riuiere de fainct François s'embouche dans la mer du Nort à dix degrez,& quel-, ques fcrupules delà l'Equateur. Lean de Laet liu. 16. des Indes Occidentales, ch.24. Marcgrauius liu. 8. ch. 2.

40. Les cartes la nomment Taperica, elle est au deuant de la Baye de tous les Saincts, entre le douziefme & le treziefme degré delà l'Equateur. Elle est descripte par ledit de Laet liu. 15. ch. 22. & 23. où tu verras auffi la description de la Baye de tous les Saincts, & de fon gouuernement.

au

41. Les Tapuies moins delicats que les autres Brafiliens (qui prennent leur repos dans des rets de coton, dont les bouts font attachez à des arbres, ayans du feu proche d'eux pour diffiper les fraifcheurs des nuits) fe couchent à terre, ou fous des arbres, & leurs Roys dans des huttes de branchages.

42. Il entend parler de Sigifmond Schop general de la Compagnie des Indes Occidétalesauquel fucceda l'Artichaut, lors que le Comte Maurice,qu'il traitté icy d'Excellence,nepueu de fon Alteffe le Conte Maurice, eftoit. principal, c'est à dire Lieutenant des Eftats. aux mefmes Indes. C'eft luy qui en cette qua...lité en Iuillet mil fix cent trente huict,prit le. chafteau de Mine en la Guinée, & affiegea la ville fainct Saluador au Brafil, de laquelle.

il fust contraint de fe retirer par la trahifon des Portugais, & faute de foldats, il en raporta pourtant vn grand butin en canons, efclaues, fucres, & vins d'Efpagne.

43. C'eftoit chofe tres-rare parmy les Brafiliens d'auoir des inftrumens de fer & d'airin, & faut qu'ils fiffent grand cas des fluttes qui eftoient faictes de ce dernier metal, puis qu'ils rompoient leurs trompettes pour en faire, parce que comme ie croy ils ne fçauoient pas entonner nos trompettes, estant accouftumez de fe feruirà la guerre de trompettes faictes d'os humains, que les Latins appellent Tibiæ, & eux Canguaca. Comme celles qui estoient d'vne feule conque, dite Guata pi guacu, qu'ils nommoient Numby goacu, & Membiaparas celles de cannes, & les noftres d'airain, Itamembi. Marcgrauius liu. 8. de fon hiftoire naturelle du Brafil, ch. 10. Iean de Leri ch. 14. de fon Amerique, que ce n'eftoient des os des cuiffes que les fauuages auoient mangez qu'ils faifoient leurs trompettes pour s'en feruir à la guerre, mais de bois,en forme de hautbois long de cinq à fix pieds, qu'ils appelloient Inubia, & que des os de ceux qu'ils auoient tuez & mangez, ils en faifoient des fifres & des flutes.

44. De forte que cet exercice de courir l'arbre dura iufques au dernier iour de Iuin, au