Of cloth making she hadde swiche an haunt,'
She passed hem of Ipres, and of Gaunt.
In all the parish wif ne was ther non,
That to the offring before hire shulde gon,

And it ther did, certain so wroth was she,
That she was out of alle charitee.

Hire coverchiefs weren tul fine of ground;
I dorste swere, they weyeden a pound;

1 Practice.

#THEMS

That on the Sonday were upon hire hede.
Hire hosen weren of fine scarlet rede,

Ful streite yteyed, and shoon ful moist and newe.
Bold was hire face, and fayre and rede of hew.
She was a worthy woman all hire live,

Housbondes at the chirche dore had she had five,
Withouten other compagnie in youthe.

But therof nedeth not to speke as nouthe.1
And thries hadde she ben at Jerusaleme.

She hadde passed many a strange streme.
At Rome she hadde ben, and at Boloine,
In Galice at Seint James, and at Coloine.
She coude moche of wandring by the way.
Gat-tothed was she, sothly for to say.

Upon an ambler esily she sat,

Ywimpled wel, and on hire hede an hat,

As brode as is a bokeler, or a targe.

A fote-mantel about hire hippes large,

And on hire fete a pair of sporres sharpe.

In felawship wel coude she laughe and carpe
Of remedies of love she knew perchance,
For of that arte she coude 2 the olde dance.

A good man ther was of religioun,

That was a poure PERSONE 3 of a toun:

But riche he was of holy thought and werk.

He was also a lerned man, a clerk,

That Cristes gospel trewely wolde preche.

His parishens devoutly wolde he teche.
Benigne he was, and wonder diligent,
And in adversite ful patient :

And swiche he was ypreved1 often sithes.
Ful loth were him to cursen for his tithes,
But rather wolde he yeven out of doute,
Unto his poure parishens aboute,

Of his offring, and eke of his substance.
He coude in litel thing have suffisance.
Wide was his parish, and houses fer asonder,
But he ne left nought for no rain ne thonder,
In sikenesse and in mischief to visite

The ferrest in his parish, moche and lite,3

Upon his fete, and in his hand a staf.
This noble ensample to his shepe he yaf,
That first he wrought, and afterward he taught.
Out of the gospel he the wordes caught,
And this figure he added yet therto,
That if gold ruste, what shuld iren do?
For if a preest be foule, on whom we trust,
No wonder is a lewed man to rust:
And shame it is, if that a preest take kepe,
To see a shitten shepherd, and clene shepe :
Wel ought a preest ensample for to yeve,
By his clenenesse, how his shepe shulde live.
He sette not his benefice to hire,
And lette his shepe acombred in the mire,
And ran unto London, unto Seint Poules,
4 Gave.

I Tried.

2 Give.

3 Great and small.

To seken him a chanterie

for soules,

Or with a brotherhede to be withold:

But dwelt at home, and kepte wel his fold,
So that the wolf ne made it not miscarie.
He was a shepherd, and no mercenarie.
And though he holy were, and vertuous,
He was to sinful men not dispitous,2
Ne of his speche dangerous ne digne,
But in his teching discrete and benigne.
To drawen folk to heven, with fairenesse,
By good ensample, was his besinesse :
But it were any persone obstinat,

What so he were of highe, or low estat,

Him wolde he snibben3 sharply for the nones.

A better preest I trowe that nowher non is.
He waited after no pompe ne reverence,
Ne maked him no spiced conscience,
But Cristes lore, and his apostles twelve,

He taught, but first he folwed it himselve.

With him ther was a PLOWMAN, was his brother,

That hadde ylaid of dong ful many a fother.4

A trewe swinker,5 and a good was he,
Living in pees, and parfit charitee.

God loved he beste with alle his herte

At alle times, were it gain or smerte,
And than his neighebour right as himselve.
He wolde thresh, and therto dike, and delve,

1 Endowment. 2 Very angry. 3 Reprove. 4 Cart-load.

For Cristes sake, for every poure wight,
Withouten hire, if it lay in his might.

His tithes paied he ful fayre and wel
Both of his propre swinke, and his catel.
In a tabard he. rode upon a mere.

Ther was also a reve,' and a millere,
A sompnour, and a pardoner3 also,
A manciple, and myself, ther n'ere no mo.

The MILLER was a stout carl for the nones, Ful bigge he was of braun, and eke of bones; That proved wel, for over all ther he came, At wrastling he wold bere away the ram. He was short shuldered brode, a thikké gnarre,5 Ther n'as no dore, that he n'olde heve of barre, Or breke it at a renning with his hede.

His berd as any sowe or tox was rede,

And therto brode, as though it were a spade.
Upon the cop right of his nose he hade

A wert, and theron stode a tufte of heres,
Rede as the bristles of a sowes eres.

His nose-thirles blacke were and wide.

A swerd and bokeler bare he by his side.

His mouth as wide was as a forneis.

He was a jangler, and a goliardeis,

And that was most of sinne, and harlotries,

Wel coude he stelen corne, and tollen thries.

I Steward.

2 An officer of Ecclesiastical Courts.

4 The officer who purchased food for an Inn of Court.

3 A seller of pardons.

5 Knot in wood.