LXII. Vesper adest, iuvenes, consurgite: Vesper Olympo Expectata diu vix tandem lumina tollit. Surgere iam tempus, iam pinguis linquere mensas; Iam veniet virgo, iam dicetur Hymenaeus. 5 Hymen o Hymenaee, Hymen ades o Hymenaee! 10 Cernitis, innuptae, iuvenes ? consurgite contra: Sic certe est; viden ut perniciter exiluere? Non temere exiluere; canent quod visere par est. Hymen o Hymenaee, Hymen ades o Hymenaee! Non facilis nobis, aequales, palma parata est, Adspicite, innuptae secum ut meditata requirunt. Iure igitur vincemur; amat victoria curam. Hymen o Hymenaee, Hymen ades o Hymenaee! 20 Hespere, quis caelo fertur crudelior ignis? Hespere, quis caelo lucet iucundior ignis? Qui desponsa tua firmes conubia flamma, Nec iunxere prius quam se tuus extulit ardor. Quid datur a divis felici optatius hora? 30 Hymen o Hymenaee, Hymen ades o Hymenaee! Hesperus e nobis, aequales, abstulit unam Namque tuo adventu vigilat custodia semper. Hymen o Hymenaee, Hymen ades o Hymenaee! 35 At lubet innuptis ficto te carpere questu. Quid tum, si carpunt, tacita quem mente requirunt? Hymen o Hymenaee, Hymen ades o Hymenaee! 40 Vt flos in saeptis secretus nascitur hortis, Multi illum pueri, multae optavere puellae : Idem cum tenui carptus defloruit ungui, 45 Nulli illum pueri, nullae optavere puellae : Sic virgo, dum intacta manet, dum cara suis est; Cum castum amisit polluto corpore florem, Nec pueris iucunda manet, nec cara puellis. Hymen o Hymenaee, Hymen ades o Hymenaee! 50 Vt vidua in nudo vitis quae nascitur arvo Numquam se extollit, numquam mitem educat uvam, Sed tenerum prono deflectens pondere corpus |