Here's freedom to him that wad read,
Here's freedom to him that wad write!
There's nane ever feared that the truth should be heard,
But they wham the truth wad indite.
Here's a health to them that's awa,
Here's a health to them that's awa;
Here's Chieftain M'Leod, a chieftain worth gowd,
Though bred among mountains o' snaw!
Here's friends on both sides of the Forth,
And friends on both sides of the Tweed;
And wha wad betray old Albion's rights,
May they never eat of her bread.
O POORTITH CAULD.
TUNE-Cauld Kail in Aberdeen.
O POORTITH Cauld, and restless love,
Ye wreck my peace between ye;
Yet poortith a' I could forgive,
An 'twere na for my Jeanie.
O why should Fate sic pleasure have,
Life's dearest bands untwining?
Or why sae sweet a flower as love,
Depend on Fortune's shining?
This warld's wealth, when I think on
Its pride, and a' the lave o't;
Fie, fie on silly coward man
That he should be the slave o't!
O why, &c.
Her een sae bonnie blue betray
How she repays my passion;
But prudence is her o'erword, aye
She talks of rank and fashion.
O why, &c.
O wha can prudence think upon,
And sic a lassie by him?*
O wha can prudence think upon,
And sae in love as I am?
O why, &c.
How blest the humble cotter's fate!
He woos his simple dearie;
The silly bogles, wealth and state,
Can never make them eerie.
O why, &c.
THERE'S braw, braw lads on Yarrow braes,
That wander through the blooming heather;
But Yarrow braes, nor Ettrick shaws,
Can match the lads o' Gala Water.
It ne'er was wealth, it ne'er was wealth,
That coft contentment, peace, or pleasure;
The bands and bliss o' mutual love,
O that's the chiefest warld's treasure!
OPEN THE DOOR TO ME, OH!
"O OPEN the door, some pity to show,
O open the door to me, oh!
Though thou hast been false, I'll ever prove true,
O open the door to me, oh!
"Cauld is the blast upon my pale cheek,
But caulder thy love for me, oh!
The frost that freezes the life at my heart,
Is nought to my pains frae thee, oh!
"The wan moon is setting behind the white wave, And time is setting with me, oh!
False friends, false love, farewell! for mair
I'll ne'er trouble them, nor thee, oh!
She has opened the door, she has opened it wide;
She see's his pale corse on the plain, oh!
"My true love!" she cried, and sank down by his side,
Never to rise again, oh!
YOUNG JESSIE.
TUNE-Bonnie Dundee.
TRUE-HEARTED was he, the sad swain of the Yarrow,
And fair are the maids on the banks o' the Ayr,
But by the sweet side o' the Nith's winding river,
Are lovers as faithful, and maidens as fair:
To equal young Jessie seek Scotland all over;
To equal young Jessie you seek it in vain;
Grace, beauty, and elegance fetter her lover,
And maidenly modesty fixes the chain.
O fresh is the rose in the gay dewy morning,
And sweet is the lily at evening close;
But in the fair presence o' lovely young Jessie
Unseen is the lily, unheeded the rose.
Love sits in her smile, a wizard ensnaring;
Enthroned in her een he delivers his law:
And still to her charms she alone is a stranger-
Her modest demeanour's the jewel of a'!
"Cauld is the blast upon my pale cheek,
But caulder thy love for me, oh!
The frost that freezes the life at my heart,
Is nought to my pains frae thee, oh!
"The wan moon is setting behind the white wave, 1 time is catting with me, oh!
|