Coluber ponticus Pall., ni fallimur, similiter etiam varietas Tropid. Natricis L. est; idem fere numerus scutorum, iidem quoque colores corporis, imprimis vero squamae carinatae, abdomen nigro flavoque tesselatum et caput habitu Natricis, ipso Pallasio teste, id confirmant.

TROPIDONOTUS HYDRUS FITZ. TAB. XXIV. FIG. 1-3.

Trop. Tantalus et Trop. gracilis m. (*)
Coluber hydrus Pall. Daud.

Hydrus caspius Schneid.

Colub. reticulatus Mén.?

Supra fusco-olivaceus, nigris maculis in quincunce dispositis per series regulares totum truncum adornantibus, subtus flavidus, nigro-maculatus. Hab. ad mare caspium, ad omnes ejus oras et insulas, in littore quo que orientali et australi.

Pro varia aetate complures exstant varietates, ab invicem aegrius differendae.

Frequens quoque species maris nigri inque hac pontica fasciae post occiput nigrae, elongatae, minus conspicuae, e maculis nigris ibi confluentibus exortae; caput depressum, superior maxilla paullo longior, regio occipitalis dilatata, anteriora versus sensim angustior, maxilla utrinque oblique descendens, nares teretes in scutello sitae; latitudo regionis occipitalis 8 lin., inter oculos 3 lin.

Squamae notaei carinatae, junioribus laeves, elongato-ovatae, imbri

() V. Zoolog. special. I. pag. 172-3.

catae, per 19 series longitudinales dispositae; squamae gulares per 4 series obliquas in Hydro caspio, per 5 in H. pontico dispositae, (1. c. fig. 2.) cauda derepente attenuata, tenuis, propter squamarum carinas argute angulata, cinereo nigroque maculata, non ex toto nigra, qualis tamen est in Hydro caspii maris.

Longit. totius corporis 2 ped. 9 poll.; sola cauda 5 poll. 5 lin. excedit; ambitus corporis tereti-incrassati (1. c. fig. 3.) delineatus.

Valde affinis Tropidonoto tesselato Fitz. (Coronellae tesselatae Laur., Colubro tesselato Mikan. et Merremi (ex parte, qui eum confundit cum Col. viperino Latr., Tropidonoto Bonelli Fitz.), Colubro gabino Metax., Natrici gabinae Bonap.) Differt majore scutorum numero, in Hydro 180-190 scut. abd. et 63-76 scut. subcaud., in tesselato 162 - 174 scut. abd. et 66-77 scut. subcaud. Fried. Boie confundit Laurentii Coronellam tesselatam cum Col. Riccioli Metax. s. Zacholo meridionali Fitz., qui idem est cum Col. meridionali Daud., in quo tamen errore typographico scutorum numerus 148 loco 184 leguntur.

Tropid. hydrus, reliquorum serpentium instar, varia aetate nimium quam variat ideoque etiam passim tales varietates, ab aetate varia deducendae, pro variis describebantur speciebus; at omnes nigris trunci maculis in quincunce dispositis nec non abdomine albo nigroque tesselato facili negotio cognoscuntur. Ipse equidem juniores Hydros Pall. quondam nominavi Trop. gracilem et Trop. Tantalum. (*) Hujus quoque loci esse videtur Col. reticulatus Mén., non Merr., quam vero speciem aeque ac Col. Ravergieri Mén. vidisse mihi non contigit.

*) V. de his. Zoolog. special. tom. 111. pag. 173.

TROPIDONOTUS SAUROMATES, N. TAB. XXV. FIG. 1. 2.

Coluber variegatus L.

Colub. pictus Güldst.

Coluber Sauromates Pall.

Elaphe Parreysii Fitz. Mus. Vindob.

Supra e fusco-nigricans, flavescenti-citreo striatus, subtus flavus. Hab. in omni fere Caucaso, et ad limites turoicos, prope Zalken, in summis montibns, etiam frequentior in taurica Chersoneso et in australi Rossia.

Squamae dorsales majores, ovales, ab invicem remotiusculae, non imbricatae, medio dorso carinatae, flavo ambitu, at medio semper fusco propterque has squamas longitudinaliter dispositas corpus hinc inde longitudinaliter fusco-fasciatum, utrumque corporis latus lucidius flavum, infimae laterum squamae laeves, majores, latiores nec carinatae; corpus passim superne transversim fusco-fasciatum, lucidioribus maculis luteoflavidis inter fascias sitis, nec nisi lateribus lucidioribus flavidis, omnibus squamis ibidem flavidis, fuscis nigrisve carinis notatis indeque`striis trunci longitudinalibus sat conspicuis.

Caput superne fuscum, in vertice subnigrum, nigra fascia post oculos decurrente, oblonga.

Abdomen flavidum concolor, lucidum, cauda subtus medio flavida, lateribus nigro-punctatis.

Longitudo speciminis descripti 3 ped. 6 poll., quorum 8 poll. ad caudam referendi, at cel. Pallasio teste specimina 5 pedalia haud rara; squamarum dorsalium series numeravi 24, gularium 4.

Scuta abdom. numerantur 204, nec 102, quod ill. Pallas (*) voluit, ut hanc speciem ab insequente Haemorrhoe trabali distingueret, cui sc. 197-210 scuta abdominis in eadem corporis longitudine adscripsit; scuta subcaudalia illius 64 numeravi; totidem quoque ill. Pallas, qui speciem tamen non in Caucaso, sed in fossa isthmum Perecopensem secante nec non in planis Chersonesi tauricae camporumque ad Borysthenem observavit ; ego eam quoque prope Odessam, ad Tyram et Hypanim amnes atque alibi vidi; eamque Antonius Andrzejowski sub nomine C. xanthogastri descripsit, et ad decem fere pedes excrescere inque medio corporis crassitiem brachii humani (?) adaequare (**) perhibuit. Narrabant et mihi, per Volhyniam et Podoliam iter quondam instituenti, de immanibus Serpentibus, 10 ulnas excedentibus et ad Tyram superiorem indigenis; et posthac oblata est mihi cutis exsiccata, a Pythone quodam dejecta, in sylva Bessarabiae haud procul ab urbe Bielcy reperta, quae itaque europaeum, ni omnes fallimur, ibi adhuc viventem Pythonem indicare videtur. Jam antiquissimo Herodoti aevo Neuri, Tyrae superioris accolae, a nimio serpentium numero fugati, solo natali derelicto, in regionem vicinorum Budinorum migraverunt. (***)

(*) Zoogr. 111. pag. 42, nisi error sit typographicus.

(**) Amphibia nostratia in Nouv. Mém. de la Soc. des nat. de Moscou. Tome 11. 1832 pag. 334. Consimilia fere confabulantur de sic dicta Vipera terrestri Sardiniae insulae, vano nomine, nec animali, v. J, Gené synops. Reptil. Sard. 1. c. pag. 22.

(**) V. memoriam meam de Pythone Neurorum, объ европейскомъ удавѣ въ Журналь министерства - Народнаго Просвѣщенія 1839, С. Петербургъ.

HAEMORRHOIS H. BOIE. (*)

Habitus Periopis Wagl., vultus subsulcatus, oculi scutis inferius cincti ; notaei squamae laeves.

HAEMORRHOIS TRABALIS BOIE.

Coluber caspius Lep.

Colub. trabalis Pall. (**)

Col. thermalis Pall.

Supra fuscus, pallide longitudinaliter striatus, subtus flavus; cauda teres, subtus plana.

Hab. in omni fere Rossia australi, Chersoneso taurica, Caucaso, in insulis, ab amne Volga irrigatis, prope Astrachanum; etiam in Africa septentrionali provenire dicitur.

Maximus nostratium serpentium; omnes squamae laeves, ovato-lanceolatae, trapezoideales, per 19 series longitudinales dispositae, laterales latiores, quadrangulares, media stria longitudinali lucidius notatae, ambitu obscuriore, fusco, indeque striae pallido-lucidiores, et omnes, invicem junctae lineas longitudinales corporis lucidas coefficientes, dorso fusco, longitudinaliter albo-striato. Caput ovato-quadrangulare, angustum, brevissimo rostro, obtuse acuminato, prominulo; maximum scutum superciliare ultra oculum parum prominens, eique antrorsum adpositum

(*) H. Boie in Okenii Iside 1827 pag. 537.

(**) Ni omnes fallimur, Coluber acontistes Pall. 1. c. pag. 42, hujus quoque C.

trabulis varietas dicenda.