B

Рускыѣ.» И дошедъ Изяславъ Мунарева, ту ждаше сыновца своего, послалъ бо й бяше проти- 1159 ву Половцемъ дикымъ, веля имъ поѣхати къ собѣ вборэѣ; и приде ему вѣсть, оже Мьстиславъ и Володимиръ и Ярославъ, и Галичане, идуть Кіеву; и бы у Василева, и ту постиже Святославъ сыновець его съ Половци многыми, и оттуда пойде къ Бѣлугороду и ста на Кіевскомъ пути. Мьстиславъ же съ братома вниде въ Бѣлъгородъ ; начаша ся бити крѣпко, пріѣздяче къ городу, и они изъ города выѣздяче бьяхуться крѣпцѣ а. Приде же Изяславу болши помочь къ Бѣлугороду, приде бо къ нему Башкордъ въ 6 20 тысячь, отчимъ Святославль в Володимирича : бѣ бо мати его бѣжала въ Половци и шла за нь. Изяславъ же являше имъ полкы своя, веля имъ изыти изъ города; не изидоша и стояща въ градѣ за 12 дній. Бысть же лесть въ Берендичихъ: творяхуть бо ся бить пріѣздяче къ городу, а снашивахуться рѣчьми межи собою. Сему же началници быша: Тудоръ Сатмазовичь, Каракозь Міозовичь и Карасъ Кокѣй г: яли бо бяху въ зажитьи Кузму Сновидича съ отрокомъ, и послаша отрока Кузмина, ночи 4, напсавше ему свое знаменіе, рекше ему: «иди у Бѣлъгородъ ко Мьстиславу и молви ему тако: въ насъ ти есть, княже, и добро и зло; аже ны хощещи любити, якоже ны есть любилъ отець твой, и по городу ны даси по лѣпшему, то мы на томъ отступимъ отъ Изяслава. » Мьстиславъ радъ бывъ рѣчи той, и посла къ нимъ съ тѣмъ же отрокомъ, той же ночи, Олбыря Шерошевича, и яся имъ по всю волю ихъ, и ротѣ къ нимъ ходи е. И бы полуночи, и поѣха Берендичи и Торци, кричаче, къ Бѣлугороду *. Изяславъ же урозумѣ лесть ихъ, и всѣдше на конь гна до товарищь ихъ, и види товарища и горяща , и воротися опять; поемъ сыновца своего Святослава Володимирича и Володимира Мьстиславича, и побѣгоша на Вышегородъ къ Гомью, и ту дожда въ Гоміи княгыни. Княгыни же бѣжа къ зяти Глѣбови Переяславлю, и оттудѣ ѣха на Городокъ, та на Глѣбль, та на Хороборъ, та на Ропескъ; Ярославъ же Всеволодичь утѣшивъ и почтивъ ю Ропескѣ, допровади ю до Гомъя ко Изяславу. Изяславъ же съ княгинею пойде изъ Гомья къ Вятичемъ, и взя городъ княгининъ на щитъ Святославлеѣ; и оттуда иде у Вятичѣ, и зая вси Вятичѣ за то, занеже не иде по немъ Святославъ, ни сына ему пусти. Святославъ же увѣдавъ, оже Обловь взята и Вятичѣ заяты i и нача искати товара Изяславлихъ бояръ, и жены ихъ изойма и има на нихъ искупъ. Половцѣ же бѣжаша отъ Бѣлагорода на Гюргевъ, и много ихъ изоимаша Берендичи и Гюргевци, а дно ихъ во Рси к истопе. Мьстиславъ же, и Володимиръ, и Ярославъ, внидоша въ Кіевъ мѣсяца декабря въ 22 4. Мьстиславъ же зая товара много Изяславли дружины, золота и серебра, и челяди, и коній и скота , и все провади Володимирю, Мьстиславъ же, и Володимиръ, и Ярославъ, послаша по Ростислава Смоленьску, вабяче й Кіеву на столъ, цѣловали бо бяху къ нему хрестъ преже, «яко тобѣ его ищемъ.» Ростиславъ же посла къ нимъ Ивана * Ручечника и Якуна, отъ Смолиянъ мужа и отъ Новгородечь , рекъ имъ : «оже мя въ правду зовете съ любовію, то я всяко иду Кіеву на свою волю, яко вы имѣти мя отцемъ собѣ въ правду и въ моемъ вы послушаньи ходити ; а се вы являю: не хочю Клима у митропольи видити, не взялъ и благословенія отъ святыя Софья и отъ патріарха.» Мьстиславъ же крѣпко пряшеся по Климѣ, река тако: «не будеть Костянтинъ въ митропольи, зане клялъ ми отца. » Иванко же възмя тяжкы рѣчи, и иде къ князю Ростиславу; и пришедшю ему Смоленьску и росправивъ всѣ рѣчи князю своему, Ростиславъ же посла сына своего Романа старѣйшаго

,

a) пріѣздяче . крѣпцѣ пропущ. въ Е б) башкордовъ (башакодовъ) испорчено въ Х. Е. в) отчимьславль такъ было въ И., потомъ поправлено отчимъ мѣстиславль, но несправедливо: см. Карамз. II, прим. 343 и 388. Въ Х. и Е. испорчено отчимьславль отъчислава. г) караско казмнюзовичь и караско канѣчь Е. д) ночь И. е) хотѣ Х. Е. ж) и турци (и торци) кричачи : кто къ бѣлугороду Х. Е. з) до товара Е. и) товарища такъ было въ И., потомъ поправлено товары. i) заяти И. к) и много ихъ въ роси. Е. д) По Лавр. Мстиславъ вошелъ въ Кіевъ въ 6666 году. м) иванка X. н) зане не взялъ Х. Е. o) вземъ Х. Е.

- 60

1159 Кіеву съ любовью, и усрѣте й Мьстиславъ Вышегородѣ. И ту распри бывше межи има, Ростиславу Клима не хотящю митрополитомъ, а Мьстиславу Костянтина не хотящю, иже бяше священъ патріархомъ и великимъ сборомъ Костянтина града; рѣчи продолжившися и пребывши крѣпцѣ межи ими, и тако отложиста оба, яко не сѣсти има на столѣ митрополитьстѣмъ, и на томъ цѣловаста хрестъ, яко иного митрополита привести имъ изъ Царягорода.

6

B

НАЧАЛО Княженія Ростиславля, сына Мьстиславля, въ Кіевѣ. Въ лѣто 6668. Пойде Ростиславъ, сынъ Мьстиславль, изъ Смоленьска къ Кіеву на столъ, и вниде въ Кіевъ мѣсяца априля въ 12 день, на въскресеніе (тогда бо бѣ паска честьная 3), и срѣтоша вси людіе и множьство народа, пріяша й людіе съ достохвалною честью; и сѣде на столѣ дѣда своего и отца своего благовѣрный князь Ростиславъ, и бысть людемъ двоя радость, и въскресеніе Господне и княже сѣденіе. Томъ же лѣтѣ снимася Ростиславъ съ Святославомъ Олговичемъ Моровійски, мѣсяца мая въ 1 день. Бысть же съѣздъ ею на великую любовь. Тогда же Ростиславъ позва Святослава къ собѣ на обѣдъ, Святославъ же ѣха къ нему безо всякого извѣта; и бысть же радость во тъ день межю има и дарове мнози, да бо Ростиславъ Святославу соболми, и горностайми, и черными кунами, и песци, и бѣлыми волкы, и рыбьими зубы; на заутріе же позва Святославъ Ростислава къ собѣ на обѣдъ, и тако быста весела паче вчерашнего дни да Святославъ Ростиславу пардусъ и два коня борза у ковану сѣдлу; и тако розидостася усвояси. Томъ же лѣтѣ воева Георгій Ярославичь изъ Турова къ Путивлю... Выревци же затворишася отъ него и не пустиша его къ собѣ; онъ же оттуда възвратився иде въ Зартый, и ту перебывъ иде опять възвративъся у Вырь 4. Тогда Олегъ Святославичь изби Половци и Сантуза уби, Половецьского князя. Томъ же лѣтѣ посла Ростиславъ изъ Кіева Гюргя Нестеровича и Якуна въ насадѣхъ на Берладники, оже бяхуть Олешье взяли ; и постигше в у Дциня, избиша в и полонъ взяша. Томъ же лѣтѣ Володимиръ Андреевичь и Ярославъ Изяславичь, и Галичане, избиша Половци межи Мунаревомъ и Ярополчемъ, и много душь отполониша, иже бяхуть взяли Половци; тогда же и Берендицѣ избаша въ Облазнѣ. Томъ же лѣтѣ ходи Рогъволодъ съ Полтчаны * на Ростислава * Глѣбовича къ Мѣньску; послалъ же бяше Ростиславъ изъ Кіева помочь Рогъволоду, съ Жирославомъ съ Нажировичемъ, Торкъ 600, а ты померше голодомъ и придоша пѣши, не дождавше мира. Рогъволодъ же стоя около города 6 недѣль, и створи миръ съ Ростиславомъ по своей воли, и выстоя Володшю изъ поруба, а Брячислава изъ желѣзъ; и цѣловаста хрестъ къ собѣ. Томъ же лѣтѣ придоша Половци мнози къ Изяславу Давыдовичю къ Выреви, и пойде Изяславъ къ Чернигову съ всею силою Половецьскою на Святослава на Олговича; и сташа подлѣ Десну по Крырову оли до устья, а внизъ до Стоняничь 3. У Святослава же тогда бяше сыновець й Святославъ Всеволодичь и Рюрикъ. Ростиславъ бяше поялъ Святослава Всеволода сына его, увѣряя Кіяны и Берендѣѣ, бяху бо не вѣрующе за свое съгрѣшеніе. И бьяхуться съ ними о рѣку о Десну крѣпко, дни на конихъ, а ини въ насадѣхъ ѣздяче, и не пустиша в черезъ рѣку; и стоявше велику пакость створиша, села пожгоша, люди повоеваша. Святослава же оба посласта къ Ростиславу, помочи просяче и еще у него. Ростиславъ же пусти къ нима Ярослава Изяславича ", и Володимира Андреевича, и Галичь

а) Пасха приходилась 12 апрѣля въ 6667 году. б) въ тъи (въ той) Х. Е. в) веселясь (я) X. Е. г) иде пропущено и далѣе опять възвратися (возвратився) Х. Е. д) Карамзинъ (II, прим. 393) думаетъ, что 68 этомъ мѣстѣ говоримся о Изяславѣ Давидовичѣ, укрывавшемся въ Вырѣ (см. текстъ ниже); по крайней мѣрѣ здѣсь нѣчто пропущено, что и означается точками. е) съ полочаны Х. Е. ж) Въ И. прежде было на рославнаго, а потомъ ошибкою попра. влено на ярослава; Въ Х. на ярославнаго ; въ Е. на ярослава ; вездѣ испорчено 3) до стоняничь поправлено до гостоняничь И. до гостяничь Х. Е. и) ярослава изяславича такъ въ Е.; въ И. и Х. оба слова испорчены.

B

ская помочь. Изяславъ же съ Половци отъѣхаша въ поле; си же пришедши и не обрѣтоша его, 1160 бродишася по немъ за Десну Святослава оба и Рюрикъ, и ходивше за днище не обрѣтоша его*, възворотишася кождо въсвояси. Изяславъ же Давыдовичь дойде Игорева броду 6, и ту постиже й вѣсть изъ Чернигова отъ своихъ ему пріятель, рекуче ему: «не ѣзди, княже, никаможе; братъ ти Святославъ боленъ, а сыновець отъ него шелъ Новугороду, а дружину свою пустилъ отъ себе прочь;» (бѣ бо тогда Святославъ не сдравуя). Изяславъ же вборзѣ сгадавъ съ дружиною, поима ротьники своя и поѣха изъѣздомъ къ Чернигову. Святославу же не вѣдущю о изъѣжденьи Изяславли, стоящю передъ городомъ въ товарѣхъ съ княгинею и съ дѣтьми, бывшю же тогда дни недѣлному: и пріѣхавъ Изяславъ къ Деснѣ противу Свѣнковичемъ, и въ зорѣ переправи полци своя черезъ Десну и пусти я воевать, переѣхалъ же бяше и самъ черезъ Десну". И бысть гѣсть Святославу, оже Изяславъ бродится черезъ Десну, а Половци воюють и селце святаго Спаса зажгоша: и вборзѣ Святославъ наряди полкы своя, а по Володимира по Андреевича и по Рюрика посла вборзѣ; бяше бо Володимиръ въ тъ день притяглъ съ полкомъ своимъ и съ Кіевьскимъ полкомъ, и Тудоръ Елцичь 4 съ Галичьскою помочь пришелъ вборзѣ, Володимиръ полкы вси приведе къ Святославу. Святославъ же ста изрядивъ полкы всѣ, жда Изяслава : тако бо творяшеть, яко поидеть къ нему на свою мысль, на ню же есть пошелъ; а молодь перебравъ съ Берендичи и съ Каепич» пусти на Половци, и ти ж съ божіею помочью, доѣхавше ихъ начаша я бити и много ихъ избиша, а другыя руками изоимаша, и люди отполониша своя, иже бяху Половци поимали. Изяславъ же узрѣ Половци сѣчены бѣгающа, а ины топящася въ Деснѣ, и нача ихъ прашати : «что есть?» они же повѣдаша ему: «видихомъ полкы многы стояче у города.» Изяславъ же убоявѣся ѣха опять за Десну, и ночью заложивъся поѣха къ Выреви. Володимиръ же просяшеться у Святослава ѣхати по немъ; Святославъ же пусти его, но иде по немъ весь самъ. И пришедъ ко Выреви и пожьже острогъ около города; въ городѣ бо затворилъся бяше съ княгинею Иванъ Ростиславичь, а самъ Изяславъ шелъ бяше въ поле. И ту стоявше и шедше къ Зарытому, и ту пожегше и много зла створивше, възвратишася усвояси. Ко Изяславу же придоша Половци мнози, и иде съ ними къ Воробеинѣ и къ Росусѣ к ; и тудѣ повоевавъ иде къ сыновцю своему ко Вщижю. Той же зимы оттудѣ иде на Смоленьскую волость Изяславъ, и повоевавъ; и тамо много зла створиша Половци, взяша душь болѣтмы а иныя изсѣкоша. Изяславъ же оттолѣ посла къ

M

,

,

e

i

Дюргевичю къ Андрееви 3, испроси у него дщерь за сыновца своего за Святослава, и испроси у него помочь: и посла къ нему сына своего Изяслава, съ всимъ полкомъ своимъ, и Муромьская помочь съ нимъ, зане пришли бяху Рускій князи на Святослава на Володимирича и оступили бяху въ Вщижи. Бьяшеть же ся * съ ними изъ города, ожидая Изяслава стръя своего съ помочью, и отъ цтя своего оть Андрея. Святослава же оба Олговичь и Всеволодичь, и Рюрикъ, и иніи князи, слышавше идуча Изяслава Андреевича съ силою многою Ростовьскою, убоявшеся и даша ему миръ, възворотишася. Изяславъ же Давыдовичь, Изяславъ Андреевичь, слышавъ узворотившихъся, иде Изяславъ у Вятичѣ, а Андреевичь Изяславъ възворотися ко отцю своему Андрееви въ Ростовъ, съ того же пути иде п у Вятичѣ; тогды же и снимастася на Волоцѣ съ Андреемъ съ Гюргевичемъ; тогда же Андреевну приведоша за Святослава за Володи

a) бродишася

..

...

его пропущ. въ Е. б) брата ошибк. Х. Е. в) и по зори Х. Е. г) и пусти черезъ десну пропущ. въ Е. д) елчичь Х. Е. е) пойде И. Е. ж) и тіи (и тый) Х. Е. 3) но нѣтъ въ Х. и далѣе пойде. и) къ выреви ко выреви пропущено въ Е. i) идоша Х. Е. к) къ воробіннѣ (къ вороблинѣ) и роксусѣ Х. Е. л) къ андрѣеви такъ было въ И., потомъ безъ смысла поправлено къ андрѣевичю. м) ся нѣтъ въ И.н) и отъ цте И. и отца ошибк. Е. и отъ тести такъ въ Лавр. о) многою нѣтъ въ Х. Е. п) изяславъ прибавл. Х. Е.

-61

a

1160 мирича въ Вьщижь. Томъ же лѣтѣ пойде Святославъ Олговичь ко Вщижю на Святослава на Володимирича, и Всеволодича съ нимъ оба ходиста, и Рюрикъ съ Кіевьскимъ полкомъ, и Олегъ Святославичь, Романъ и Смоленьска, и Всеславъ изъ Полотьска, Кснятинъ а Сѣрославичь съ Галичаны, и стояша около его 5 недѣль, и створиша съ нимъ миръ; и на томъ цѣлова хрестъ Володимиричь къ Святославу, яко имѣти ему его въ отца мѣсто и въ всей воли его ему ходити; и тако възворотишася въсвояси. Андрей же снимастася съ Изяславомъ на Волоцъ, и посла къ Новгородцемъ, река имъ: «вѣдомо буди, хочю искати Новагорода и добромъ и лихомъ; а хрестъ есте были цѣловали ко мнѣ на томъ, лко имѣти мене княземъ собѣ, а мнѣ вамъ добра ХОТѣТИ В», и оттолѣ начаша ся Новгородци мясти и вѣче часто начаша творити. Той же зимѣ ходи Мьстиславъ Изяславичь и Ярославъ, брать его Ярополкъ, Андреевичь Володимиръ, братъ его Ярополкъ къ Турову на Гюргя на Ярославича, и стояша полъ-5 недѣлѣ, и не въспѣвше ему ничтоже възвратишася въсвояси.

e

г

,

Ж

Въ лѣто 6669. Вѣче створиша Новгородци, и послашася 4 къ князю своему Святославу Ростиславичю, и рекоша ему : «не можемъ дву князю держати, а пошли выведи брата Давыда съ Нового Торгу;» онъ же не вередя имъ сердца, выведъ брата пусти и Смоленьску къ Романови. И не дотуда ста злоба ихъ, но паче на горшее зло подвигошася: мало веремя переждавше и створше вѣче на Святослава, переступивше хрестьное цѣлованіе къ Ростиславу и къ сынови его Святославу. Сѣдящю бо князю на Городищи у святаго Благовѣщенія, и се пригна къ нему вѣстьникъ и рече : «княже ! велико зло дѣется въ городѣ, хотять тя-людіе яти ; » и рече Святославъ: «а что есми имъ зло створилъ, оже мя хотять яти, а къ отцю моему хрестъ цѣловавше на томъ, яко имѣти мя княземъ собѣ до живота моего? а вчера ко мнѣ вси цѣловали святую Богородицю. » И то ему молвящю, и се пойде множьство народа людій, и емше князя запроша въ истопкѣ а княгиню послаша въ манастырь, а дружину его исковаша 2 а товаръ его разъграбиша и дружины его; и потомъ послаша князя въ Ладогу, приставивше сторожѣ многы къ нему. И приде вѣсть къ Ростиславу въ Кіевъ, оже ему ятъ сынъ Новѣгородѣ, и повелѣ изоимати Новгородци и уметати в у Пересѣченьскый погребъ, и въ одину ночь умре ихъ 14 мужи; и повѣдаша Ростиславу, оже задъхлися з въ погребѣ, и печаленъ бысть ихъ дѣля, и повелѣ выпустити я изъ погреба и розвести я по городомъ. Новъгородци же послашася къ Андрееви Дюрдевичю у Суждаль, просяче у цего сына княжить Новугороду. Онъ же не вдавъ имъ сына, по поча имъ давати брата своего Мьстислава ; они же не въсхотѣша, переже бо бяше княжилъ у нихъ — и пусти къ нимъ сыновца своего Мьстислава Ростиславича. Святослава же Богъ и сила честьнаго хреста избави, иде на Полътескъ ; Рогъволодъ же изъ Полотьска допровади до Смоленьска. Томъ же лѣтѣ докончана бысть церкви святыя Богородица Володимири, камяная, благовѣрнымъ боголюбивымъ княземъ Андреемъ; и украси ю дивно, и многоразличными иконами, и дорогымъ каменіемъ безъ числа, и съсуды церковьными, и верхы ея позолоти ; по вѣрѣ же его и по достоянію къ святѣй Богородици, приведе ему Богъ изо всихъ земль мастеры i, и украси ю паче инѣхъ к церквій. Томъ же лѣтѣ погорѣ Ростовъ, и церкви вси , сборная дивная великая церкви святоя Богородица, якоя же не было, николиже ни будеть . Томъ же лѣтѣ ходи Рогъволодъ ко Мѣньску на Ростислава на Глѣбовича, и створи съ нимъ миръ, и възвратися въсвояси. Томъ же лѣтѣ бысть знаменіе въ лунѣ, яко погыбнути ему всему,

3

4

...

а) ксиятицъ подновлено въ И. кстянтинъ. 6) снемся Х. Е. в) добра пропущ. въ И., а въ Х. и Е. хотѣти. г) андреевичь Ярополкъ пропущено въ Е. д) и посластася И. е) пождавше (и) Х. Е. ж) у въстобцѣ Х. княз. замкруша у стобцѣ Е. 3) здохлы Е. и) не да Х. Е. i) мастыры И. к) всѣхъ Е. л) не было и ни (не) будеть Х. Е.

B

,

мѣсяца августа въ 20 день а. Томъ же лѣтѣ посла Ростиславъ къ Святославу, река ему: «ny- 1161 сти ко мнѣ дѣтя Олга, ать познаеть Кіяны лѣпшія, и Берендичѣ, и Торкы ;» Святославъ же безо всякого извѣта пусти ему сынъ свой. Олегъ же пришедъ въ Олжичѣ, посла къ Ростиславу, река ему : «брате! кдѣ ми велиши стати? » Ростиславъ же повелѣ ему у Олговы стати самъ бо стояше у Шелвова в селца подъ боркомъ. И бысть у него по два дни на обѣдѣ; третій же день ѣдущю Олгови изъ товаръ г на поѣздьство, и се усрѣте й передъ ними мужь Ростиславль, и рече: «княже! есть ми къ тобѣ орудіе велико, а извѣсти ми ся яко ти его не явити никому же;» » и извѣстися ему и рече ему: «княже! право ти молвлю, стерезися, хотять тя яти.» Олегъ же вину положи матерню болѣзнь, и нача ся просити у Ростислава Чернигову къ отцю. Ростиславъ же не хотяше пустити его отъ себе любовью: занеже не имѣяше лиха въ сердци, но зліи человѣци не хотяче добра межи братьею видити, тако створиша. Ростиславъ же пусти Олга къ отцю. Олегъ же пришедъ къ Чернигову, не яви того отцю, но погнѣвася на отца втайнѣ и нача ся просити у отца Курьску; Святославу же не вѣдущю всего того, пусти отъ себе Олга Курьску. И се постигоша посли Изяславли съ любовью, съ любовною рѣчью; Олегъ же яви мужемъ своимъ Изяславлю рѣчь, бяшета Д бо уже и Всеволодича любовью сложилася съ Изяславомъ; и рекоша мужи Олгови : «княже! а то ли ти добро есть, оже тя хотѣли Кіевѣ яти, а Черниговъ отдають подъ отцемъ твоимъ? а уже есть правъ отець твой и ты въ хрестьномъ цѣлованьи.» И въступи Олегъ y любовъ къ Изяславу, безъ отня съвѣта. Бысть же вѣсть Святославу, оже Всеволодича и Олегъ сынъ его сложилися любовью съ Изяславомъ и велми бысть печаленъ о томъ. И повѣда Святославъ мужемъ своимъ, оже Всеволодича и Олегъ приложилися ко Изяславу. И рекоша ему мужи : «дивно єсть, княже, оже жалуеши на сыновца своего и на Олга, а живота своего не блюдеши; се не лжа ти есть, оже Романъ Ростиславичь посылаеть изъ Смоленьска попа своего къ Изяславу, река тако: отдаваеть ти батя Черниговъ, а съ мною въ любви поживи ; а самъ пакы хотѣлъ ти сына яти Кіевѣ; а уже еси, княже, и волость свою погубилъ, держася по Ростислава, а онъ ти всяко лѣниво помогаеть. » И тако нужею поведеся Святославъ отъ Ростиславли любви къ Изяславу *. Поидоша Половци мнози къ Изяславу, Изяславъ же съвъкупися съ Всеволодичема, и съ братьею, и съ Олгомъ, а Святославъ не иде изъ Чернигова. И поѣха противу Половцемъ въ поле, и съвъкупився съ Половци поѣха къ Переяславлю на Глѣба, на зятя своего, веля ему поѣхати съ собою за Днѣпръ на Ростислава, Глѣбъ же не ѣха съ нимъ 3; и стояше у Переяславля 2 недѣли, и не успѣша ничтоже. Ростиславу же бысть вѣсть, оже Изяславъ пришелъ къ Переяславлю и съ всею братьею, великій же князь Кіевьскій Ростиславъ съвъкупя воя многы, и поиде на Изяслава, и бысть въ Треполи; слышавъ же Изяславъ, оже Ростиславъ иде на нь съ полки своими, и побѣже Изяславъ, а Половци бѣжаша въ поле. Томъ же лѣтѣ приде митрополитъ Ѳедоръ изъ Царягорода, мѣсяца августа: бяшеть бо посылалъ по него князь Ростиславъ. Изяславъ же, съвкупився съ братьею своею у любовь, посла по Половци ; и придоша ему и Половци мнози. И съвкупився Изяславъ съ Всеволодичема, и съ Олгомъ, и съ Половци, и пойде за Вышегородъ къ божници, ту бо бяше и Днѣпръ сталъ а индѣ не сталъ бяше никдѣже; ту же перешедше Днѣпръ у боженки, и пойде полкИ къ Кіеву, и пришедши сташа на болоньи въ лозахъ, противу Дорогожичі,

e

...

a) Лунныя затмѣнія были, полное въ 1161 году августа 7, и частное въ 1160 августа 18. 6) ростиславъ же стати пропущ. въ Х. Е.; олговы стати поправлено въ И. у олговы стати могилы. в) у шелвовѣѣ И. г) и съ товары неправильно въ Х. д) вмѣсто бяшета уже бо, въ Х. и Е. ошибк. отецъ бо уже. е) и нѣтъ въ И. ж) къ изяславу пропущено въ Х. Е. з) съ ними Х. Е. и) къ нему Х. Е. i) бяше и днить престалъ испорчено въ И. к) на оболонѣ Е. Въ Хлѣбн. вложенные два листа писаны другимъ, болѣе позднимъ, почеркомъ. Томъ II.

12