Изображения страниц
PDF

слава изъ Смоленьска. Изяславъ же Давыдовичь и Святославъ Олговичь * посластася по Дюргя 1154 Суждалю. Въ то же веремя Ростиславъ приде изъ Смоленьска Кіеву. Кіяне же вси изидоша съ радостью великою противу своему князю; и тако быша ему ради вси, и вся Руская земля, и вси Черніи Клобуци обрадовашася, оже Ростиславъ пришелъ въ Кіевъ. Ростиславъ же скупяся съ Святославомъ Всеволодичемъ,ѣхаста, поклонистася отцюсвоему Вячьславу. Вячеславъ же видивъ Ростислава сына своего, и обрадовася радостью великою и рече ему: «сыну! се уже въ старости есмь, а рядовъ всихъ не могу рядити "; а, сыну, даю тобѣ, якоже братъ твой держалъ и рядилъ, такоже и тобѣ даю; а ты мя имѣй отцемъ и честь на мнѣ держи, якоже и братъ твой Изяславъ честь на мнѣ держалъ и отцемъ " имѣлъ; а се полкъ мой и дружина моя, ты ряди.» Ростиславъ же то слышавъ, и поклонися отцю своему Вячеславу и рече ему: «велми радъ, господине отце, имѣю " тя отцемъ господиномъ, якоже и братъ мой Изяславъ имѣлъ тя и въ твоей воли былъ.» Н А ч л л о кня ж в н i я Р о сти с л л вл я въ Ки ввѣ. И посаднша въ Кіевѣ Ростислава Кіане ", рекуче ему: «яко же братъ твой Изяславъ честилъ Вячеслава, тако же и ты чести; а до твоего живота Кіевъ твой.» Ростиславъ же рече Святославу Всеволодичто, сестричичто своему: «се ти даю Туровъ и Пинескъ " про то, оже еси пріѣхалъ къ отцю моему Вячеславу и волости ми еси сблюлъ, то про то надѣляю тя волостію.» Святославъ же поклонися Ростиславу и прія съ радостыо. Въ то же веремя приде вѣсть къ Ростиславу, Глѣбъ Дюргевичь съ множествомъ Половець идеть къ Переяславлю; Ростиславъ же съ Святославомъ выступиста изъ Кіева къ Пересѣчну, и ту начаста скупливати дружину. И пригна посолъ отъ Мьстислава отъ Изяславича изъ Переяславля къ Ростиславу и къ Святославу, и повѣда има, оже рать пригнала къ Переяславлю и стрѣлялися съ ними. Ростиславъ же то слышавъ, и посла сына своего Святослава въ Переяславль; Мьстиславъ же выѣха изъ Переяславля противу Святославу, тако скупившася * поѣхаста въ Переяславль. Утріи же день придоша Половщи къ Переяславлю, и начаша битися съ ними, выѣздяче изъ города бьяхуться съ ними крѣпко; Половщи же видивше, оже выѣхала къ нимъ помочь, и поидоша прочь отъ города, и тако не стоячи" идоша за Сулу, бояхубося Ростислава и Святослава. Святославъ же Ростиславичь, отпровадя Половщи, пріѣха къ отціо своему и повѣдѣ, оже Половщи прочь пошли. Ростиславъ же то слышавъ, нача гадати съ братьею своего пойти Чернигову на Изяслава на Давыдовича; и тако угадавша“, Ростиславъ же ни въ Кіевъ не входя, попде полкы своими ", и поима Всеволодича Святослава и Мьстислава Изяславича ", и Торкы и Кіяне, и перейде Днѣпръ у Вышегорода, ту же и ста противу Вышегороду, скупливая дружину свою, рекуче: «абы ны "упередити Діоргя, любой проженемъ, любо примиримъ къ собѣ.» Утріи же день пригнаша къ Ростиславу изъ Кіева и повѣдаша ему: «отца ти Вячеслава Богъ поялъ.» Ростиславъ же рече: «а мы вчера ѣхали ", а онъ добръ и здоровъ;» онъ же сказа ему и рече: «сыночи "былъ веселъ съ своею дружиною и шелъ спать здоровъ, якоже леглъ тако болѣ того не въсталъ, ту й Богъ поялъ.» Ростиславъ же то слышавъ, и тако оставя полкы своя, а самъ гна Кіеву; и тако плакася по отци своемъ, и проводи его до гроба съ честыо великою, съ множьствомъ народа, и положиша у святыя Софья, идѣже лежить Ярославъ прадѣдъ его и Володимиръ отецъ его. И тако Ростиславъ спрятавъ тѣло его, и ѣха на Ярославль дворъ, и съзва мужи отца своего Вячеславли и тивуны и ключникы, каза нести имѣнье отца своего передъ ся ", и порты, и золото, и серебро; и снесъ все, и нача роздавати по манастыремъ, и по церквамъ, и по затворомъ, и ни

[ocr errors]

1154 щимъ , и тако раздая все, а собѣ ни прія ничто, толико крестъ честьный взя на благословленіе

[ocr errors][ocr errors]
[ocr errors]

ко передъ Горгемъ не возможно бы имъ удержатися. Тогда же много зла створиша Половци

[ocr errors][ocr errors][ocr errors]
[ocr errors]
[ocr errors][ocr errors][ocr errors]
[ocr errors]

тослава на Всеволодича "; а Горги пойде къ Кіеву, и Святослава Олговича поясъ собою. Тогда

[ocr errors]
[ocr errors]
[ocr errors]
[ocr errors]
« ПредыдущаяПродолжить »