Изображения страниц
PDF
[ocr errors][ocr errors]

скупяся своего братьею, пойдеть на мя про тя, и прокъ волости моея * погубить ?.» Горги же 1152 емъся оставити ему помочь, и не остави, развѣ остави сына своего Василка съ 50 дружины. И тако Гюрги пойде Суждаліо туда на Вятичѣ; и тако прокъ Вятичь взя. Вячьcлавъ же съ Изяславомъ угадавша, якоже рѣкы ся установиша, и посла Изяславъ къ брату своему Ростиславу Смоленьску, река ему: « ты по Бозѣ тамо у Смоленьскѣ и въ Новѣгородѣ у Велицимъ" еси, а ты тамо удержи Гюргя съ тѣми, а ко мнѣ пусти съ помочью сына своего Романа.» И тако отрядивша" пccлы и скупивша? силу свою всю ", Вячьcлавъ съ Изяславомъ поидоста ” на Святослава Олговича, къ Новугороду, и на Василка Дюргевича. И якоже стаста на Лтѣ ", и рече Изяславъ Вячеславу: «отце! ты еси уже старъ, а тобѣ не достоить трудитися; но поѣди въ свой Кіевъ, а со много пусти полкъ свой;» и ставше у Всеволожа, и ту отряди Изяславъ сына своего Мьстислава на Половщи, съ полкы своими и съ вcими Черными Клобукы. Вячьcлавъ же иде въ Кіевъ, а Изяславъ пойде къ Новугороду; и ту приде къ нему Святославъ Всеволодичь и Романъ Ростиславичь, сыновечь его, изъ Смоленьска, съ полкы своими. Изяславъ же приде къ Новугороду, и другь;й Изяславъ Давыдовичь, и Святославъ Всеволодичь ", и Романъ Ростиславичь, мѣсяца февраля, поидоша полкы своими къ городу, и ту начаша ся бити въ города у острожныхъ воротъ, и тако вбодоша ѣ въ градъ " и острогъ въ нихъ изътяша; и якоже выидоша изъ острога, и отступяче" отъ града идоша въ товары своя. И бысть же по взятьи острога 5-й день, и выслася Святославъ Олговичь къ Изяславу Мьстиславичіо, кланяяся и прося мира, Изяславъ же не хотяше миритися съ нимъ, но въже "бѣ къ веснѣ, и того ради умиришася; и тако цѣловавше хрестъ межи собою и разъѣхашася, Изяславъ пойде съ Давыдовичемъ Изяславомъ Чернигову, а Романъ Смоленьску къ отціо иде, а Святославъ Всеволодичь у свою волость, а Василко Дюргевичь у Суждаль къ отцю иде". И якоже приде Изяславъ у Черниговъ, и ту приде ему вѣсть отъ сына отъ Мьстислава, оже Богъ ему помоглъ Половщи побѣдити на Углѣ и на Самарѣ, и полонъ многъ взялъ, самѣхъ прогна, вежѣ ихъ поима, конѣ ихъ и скоты ихъ зая и множьство душъ крестьяныхъ? отполони, и възворотишася " въ Переяславль хваляче Бога о таковѣй помочи, а отполоненыя отпусти въ роженіе свое; Изяславъ же слышавъ о здоровьи Р сына своего, и похвали Бога, и ту пребыша у весельи съ Изяславомъ Давыдовичемъ. Утріи же день Изяславъ пойде къ Кіеву, и вниде въ Кіевъ и съ сыномъ своимъ Мьстиславомъ ", съ великою честью и съ великою похвалою пріѣхаста къ отцю своему Вячьславу; Вячьcлавъ же, видивъ сына своего Изяслава въ здоровьи, похвали Бога и силу животворящаго креста, и пребыша у велицѣ любви и у велицѣ весельи, и тако начаша жити. Изяславъ же пославъ посла" къ брату своему Ростиславу Смоленьску и повѣдѣ ему, оже самъ ходилъ на Святослава на Олговича и умирилъся съ нимъ, а Мьстиславъ пришелъ Половцѣ побѣдивъ и много полона вземъ; Ростиславъ же то все слышавъ, похвали Бога и силу животворящаго креста, и възрадовася радостью великою. Въ то же веремя Изяславъ посла къ Володимиру Галичскому Петра Бориславича 9, съ крестьными грамотами, зане тый же бяшеть и въ Перемышли съ королевы? мужи водилъ къ хресту; и рече ему Изяславъ: «крестъ еси къ нама съ королемъ цѣловалъ на томъ, яко что Руской волости то ти все воротити, и того еси всего не управилъ; нынѣ

[ocr errors]
[ocr errors][ocr errors]
[ocr errors][ocr errors][ocr errors][ocr errors][ocr errors]
[ocr errors][ocr errors][ocr errors][ocr errors][ocr errors][ocr errors][ocr errors][ocr errors][ocr errors]
« ПредыдущаяПродолжить »