Бар. 1094 Марка, понеже презъ долго время не вѣдаша о нихъ, гдѣ по пренесеніи сокровенны быша, прилучаемъ нѣкимъ. 4095. -96 a ко Въ лѣто 6605 (1095). Половци пойдоша на Грековъ со княземъ своимъ Денгеневичемъ; Греци же поразиша ихъ, и самого князя Денгеневича емше ослѣпиша. Въ се же лѣто прійде Атляръ и Китанъ съ Половцы ко Володымеру Мономаху, Володымеръ же сотвори съ ними миръ, и даде имъ въ заставѣ сына своего Святослава; потомъ же пусти Атляра зъ его бояры въ Переяславль, а Китанъ стояше въ полку межи валами. Въ то же время прійде съ Кіева Славята по нѣкоемъ орудіи отъ Святополка, и нача съ нимъ думати Ратиборова чадъ о погубленіи Половцовъ ; Володымеръ же не хотяше того сотворити, глаголя : «како могу се сотворити, миръ прирекъ имъ?» Отвѣщаша дружина : «воспомяни, княже, колико разъ они мирятъ съ тобою, и паки плѣнятъ и непрестанно проливаютъ кровъ христіянскую. » Володымеръ же приста совѣту ихъ, и въ ту нощъ посла Володымеръ Славяту съ нѣколико дружины и Торки, иже выкрадоша Святослава Володымерича отъ Половцовъ, и потомъ убиша Китана и прочіихъ Половецкихъ князей, и спроста всѣхъ Половецъ, иже съ Китаномъ быша, избиша изъ суботы на недѣлю. А Атляръ тогда во градѣ роскошися на сѣни у Ратибора, ничтоже вѣдый, еже бысть Китану; утро же пристрои Ратиборъ отроки во оружіи, и посла единого отрока Балюка а Атляру, аки отъ князя, прося его во теплу избу на утѣшеніе. Атляръ же радъ бывъ пойде, и яко внійде въ избу со дружиною своею, запроша ихъ крѣпко; на горѣ же приготованный пробраша стѣну 6, отнюду же Елбѣгъ Ратиборичь зъ лука устрѣли подъ сердце Атляра, такожде и всю дружину его пострѣляша. Се же бысть въ недѣлю сыропустную. Останковъ же Половцевъ, не имущихъ князей, удобнѣ избиша. Потомъ же Святополкъ и Володымеръ согласишася пойти на Половцовъ, послаша же и ко Олгови Святославичу Чернѣговскому, просяще его на помощъ; Олегъ же обѣщася, и не иде. Володымеръ же и Святополкъ пойдоша на Половци, въ землю ихъ, и побраша вежи ихъ, скоты и верблюды и кони, и челядъ, и приведоша въ свою землю. И начаста гнѣватися на Олга, яко не иде съ ними, и потомъ послаша къ нему, глаголюще : « почто не шелъ еси съ нами на поганыхъ, иже погубиша землю нашу ?. и се нынѣ имаши у себе сына Атлярова, его же убій, или намъ отдай;» Олегъ же не послуша ихъ. Въ се же лѣто прійдоша паки Половци ко Юреву, и стояша около его все лѣто, яко мало не взяша его, Святополкъ же помирися съ Половцами сице : еже дати имъ Юревъ градъ со всѣмъ имѣніемъ, токмо людей да пустятъ; и тако Половци отступиша отъ града мало, а Юревци выбѣгше отъ града прійдоша ко Кіеву, имъ же повелѣ Святополкъ поставити градъ на холмѣ Витическомъ, и тамо вселитися, и нарече его градъ Святополчъ, повелѣ же и Марину епископу со Юревци сѣсти ту, а Юревъ градъ пустый зажгоша Половци. Въ се же лѣто прійде Давыдъ Ярославичъ, внукъ Ярославовъ, изъ Новгорода ко Смоленску, Новгородци же понеже не любиша й, абіе послаша въ Ростовъ ко Мстиславу Володымеричу, внуку Всеволодову, и приведоша его княжити себѣ, а Давыду отказаша, да не идетъ къ нимъ, и тако сѣде Мстиславъ въ Новгородѣ, а Давыдъ въ Смоленску ; пойде Мстиславъ и къ Курску и къ Мурому ", и пріяша й Муромци, идѣже посади посадники своя, а Олговы поймавъ. Въ се же лѣто бысть страшная саранча, яко и землю покри. Въ се лѣто Урбанъ папа собра соборъ, совѣтуя, како бы Іерусалимъ и Землю Святую свободити отъ поганъ; и посла по всѣхъ христіянскихъ царѣхъ, побуждая ихъ на сію брань противу Турковъ. Въ лѣто 6604 (1096). Святополкъ и Володымеръ Мономахъ посласта въ Чернѣговъ къ Олгу Святославичу, да рядъ учинятъ о Руской землѣ, при епископахъ и старцѣхъ, «како бысмо могли оборонити Рускую землю отъ поганыхъ.» Олегъ же гордяся рече : «нѣсть лѣпо мене а) байдюка М. А. б) стелю во всѣхъ сп.; верхъ (потолокъ) такъ въ другихъ Лѣтописяхъ. в) и къ мурову и далѣе муровци М. А. судити епископомъ, и черицемъ, и смердомъ, и не хотѣ итн ко братомъ своимъ на совѣтъ, по- 1096 слушавъ своихъ злыхъ совѣтникъ. » Святополкъ же и Володымеръ рекоша ему : «понеже ты не идеши съ нами на погалыхъ, ни на совѣтъ, явѣ есть, яко злѣ о насъ мыслишъ, хотя помагати поганомъ; » и пойдома на него ко Черпѣгову. Олгъ же избѣже изъ Чернѣгова, въ суботу, мая 3, и въ Стародубѣ затворися, но и тамо Святополкъ и Володымеръ доставаху его, но изъ града біяхуся крѣпко; и стояху окрестъ града до 30 дній, дондеже люди во градѣ начаша изнемагати. Тогда и Олегъ смирися и выйде изъ града, прося мира, и даша ему на семъ миръ, яко да прійдетъ въ Кіевъ и тамо цѣлуетъ крестъ, со братомъ своимъ Давыдомъ, еже быти съ ними въ любвѣ; Олегъ же обѣща и на томъ тогда крестъ цѣлова. И возвратишася Святополкъ и Володымеръ восвояси ; а Олегъ пойде ко Смоленску, и пе пріяша его Смолняне, таже иде ко Резаню. Въ сіе время прійде съ Половци шолудивый а Бонякъ, въ недѣлю съ вечера, мая 24, и повоева около Кіева, и сожже на Берестовомъ дворъ княжій. Въ то же время вколо Переяславля воева Куря съ Половци, и Устіе пожже. Того жъ мѣсяця во 31 прійде Тугорканъ, тесть Святополчій, къ Переяславлю, и ста около града, Переяславци же затворишася въ городѣ; Святополкъ же и Володымеръ пойдоша на Половцовъ къ Переяславлю, по сей странѣ Днѣпра, а Половци ихъ не видѣша, таже прейдоша презъ Днѣпръ, исполчившеся побрыдоша къ Половцомъ за Трубешъ, и удариша на ня нечаянно. Половцы же отъ страха не возмогоша стати, но абіе яшася бѣгу ; наши же по нихъ гониша, сѣкуще и избиша тогда Половцовъ до единаго. Убіенъ же ту бысть и Тугорканъ, тесть Святополчъ, его же, аки тестя, повелѣ взяти Святополкъ и везти до Кіева, и погребе его на Берестовѣ, на распутіяхъ на могилѣ. Сіе же одолѣніе даде Господь христіяпомъ іюля 19 дня. Того жъ мѣсяця іюля 20, въ пятокъ, паки прійде отай шолудизый в Бонякъ, яко хищникъ, яко едва и въ Кіевъ не внійде, идѣже абіе зажже градъ около Кіева по Песку; таже обратишася на монастырѣ, и пожгоша монастыръ дѣвическій святого Стефана и деревнѣ германь. Прійдоша же и на монастыръ Печерскій, братіямъ тогда почивающимъ по заутрени, и поставиша двѣ корогвѣ предъ враты монастырскими; братія же бѣжаша аможе кто можаше, едны на полаты, друзіи за монастыръ. Безбожній же сынове Измаилеви высѣкоша врата монастыру, и устремишася по келіяхъ, высѣкающе дверѣ, и посемъ прійдоша къ церкви и зажгоша дверѣ ', яже отъ полудня, такожде и отъ полночи; и вшедше въ церковъ, паляху иконы святыя, многая хулная словеса глаголюще на христіянъ, не вѣдуще окаянній, яко Богъ за грѣхи наша попусти се быти. Тогда сожгоша и дворъ Красный, его же поставилъ бяше Всеволодъ на холму 4, надъ Выдубичи. Убиша же тогда нѣколико отъ братій, Евстратія же блаженнаго и Никона глаголемаго Сухаго, такожде и отъ работникъ монастырскихъ много емше связаша и Бо свою землю поведоша. Олегъ же Святославичь, злонравенъ сый и лукавъ, не пойдеʻко Кіеву на миръ, якоже обѣщася, но собравъ воя пойде къ Мурому на Изяслава Володымерича, си естъ сына Мономахова, глаголя ему: «да пуститъ ему Муромъ и Резань, понеже се естъ мое отечество. » Изяславъ же собра Ростовци, Суждалци, Бѣлозерци и Муромци, пойде на Олга, и бишася зъ собою крѣпко, но попущеніемъ Божіимъ убіенъ бысть Изяславъ Мономаховичь въ той брани, септеврія 6. дня, прочіи же разбѣгошася ; Изяславъ же положенъ бысть во церквѣ святого Спаса, и потомъ пренесше до Новгорода положиша й въ церквѣ святой Софіп, на лѣвой странѣ. Олегъ же мсти на всѣхъ, иже помагаху Изяславу, единыхъ убивая, иныхъ заточая и имѣніе ихъ грабя; и пріятъ всю власть в Муромскую и Ростовскую. Еще же хотѣ взяти и Новгородъ подъ Мстиславомъ . Володымеричомъ, но Мстиславъ посла къ нему, да возвратится въ Муромъ и не e -97 a 1096 касается чужея власти : «и азъ пошлю ко отцу моему и смирю тя съ нимъ.» Но Олегъ не послуша его, но идяше со братомъ своимъ Ярославомъ на Мстислава; егда же услыша, яко Мстиславъ идетъ противу ему въ силѣ велицѣ, убояся и возвратися къ Ростову, Мстиславъ же по немъ. Таже Олегъ къ Суждалю и сожже городъ Суждаль, токмо оста дворъ монастыря Печерского и церковъ святого Димитрія, юже бѣ далъ Ефремъ со селы; таже Олегъ побѣгъ къ Мурому, Мстиславъ же по немъ. Посемъ же посла до Олга Мстиславъ : «яко пошлися ко отцу моему, и азъ смирю тя съ нимъ годѣ сея брани.» Олгъ же, злонравенъ сый и лукавъ, посла къ Мстиславу, съ лестію глаголюще : «азъ хощу мира, токмо ты отпусти дружину свою.» Мстиславъ же вѣру емъ, распусти дружину свою по селамъ. Въ суботу же Ѳедорову, на обѣдѣ, прійде Мстиславу вѣсть, яко Олегъ уже на Клязмѣ, пришелъ бо бѣ безъ вѣсти, Мстиславъ же яко може воскорѣ собравъ дружину свою, исполчися предъ градомъ, и стояша противу себе дній 4; прійде же и Вячеславъ Володымеричь съ Половцы, въ помощъ Мстиславу брату. И соступишася 6 со собою обои, и ста Мстиславъ противу Олгови, а Вячеславъ противу Ярославу, и бишася крѣпко, и начатъ одолѣвати Мстиславъ ; видѣвъ же Олегъ, яко уже и съ тылу заходятъ его, побѣже къ Тмутороканю в и тамо затвори Ярослава брата, а самъ пойде къ Резаню. Мстиславъ же иде по немъ, грады побирая, и свободи всѣхъ, ихъже Олгъ бѣ заточилъ, а по Олгу посла : «не бѣгай, но послися съ молбою къ братіи, и азъ послю ко отцу моему о тебѣ ;» Олегъ же и обѣщася. И тако Мстиславъ возвратися со веселіемъ и славою въ Новгородъ, молитвами преподобного Никиты. Въ се же лѣто собрашася Заходные царіе и князи, и поидоша на Турки, а идѣже обрѣтоша Жидовъ убиваху ихъ, нудяще креститися; и много тогда Жидовъ погибе, якоже имъ преподобный Евстратій мученикъ прорече, егда отъ нихъ распятъ бысть, о немъ же въ Житій его пространнѣе. B Князи въ любовъ СОБРАШАСЯ. e A Въ лѣто 6605 (1097). Собрашася въ любовъ князи Рустіи, си естъ, Святополкъ Изяславичъ, Володымеръ Мономахъ Всеволодичь, Василко и Володаръ Ростиславичи, Володымера Ярославича внуци, Давыдъ и Олгъ Святославичи и проч., и глаголаша между собою въ любвѣ о мирѣ, глаголюще : «почто губимъ сами нашу Рускую землю, сами ся которующе г, а Половцы погане сему ради суще, непрестанно землю нашу губятъ? но отселѣ имемся во едино сердце, да соблюдемъ землю отецъ нашихъ.» И уставиша, да кождо держитъ отчизну свою : и даша Святополку Изяславичу Кіевъ, Володымеру Всеволодичу Мономаху Переяславль, Давыду Святославичу Смоленскъ, Олгу Святославичу Чернѣговъ, Ярославу Святославичу Муромъ, Володареви Ростиславичу Перемышль, Василкови брату его Теребовль, Давыду Игоровичу Володымеръ и проч. И цѣловаша на томъ крестъ, глаголюще : «аще кто сего не сохранитъ, да будетъ на него крестъ святый и вся Руская земля;» и тако со миромъ разыйдошася. И всѣ тому ради быша, токмо единъ діаволъ имѣ съ того печаль, иже и наусти Давыда Игоровича Володымерского, да паки сотворитъ котору между братіею, еже и сотвори сицевымъ образомъ : сей Давыдъ Игоровичь Володымерскій глагола ко Святополку Кіевскому : «виждъ, яко Володымеръ Мономахъ Переяславскій сложися съ Василкомъ Ростиславичомъ Теребовлскимъ, и якоже убиша а) и стояше неправильно во всѣхъ сп. 6) и совокупишася Г. М. Ярополка брата твоего, сице и о насъ обоихъ мыслятъ, да возмутъ подъ себе державы наша; и 1097 аще прежде времени о семъ не помыслимъ, то ни тобѣ въ Кіевѣ, ни мнѣ въ Володымеру, княжѣти; сего ради помышляймо о своихъ головахъ.» И надолзѣ не послуша его Святополкъ, послѣди же прельщенъ бысть, и хотяху ихъ по единому погубити. И вопервыхъ послаша лестію по Василка, иже тогда превезлся былъ презъ Днѣпръ на Выдубичехъ, Василку же нѣкто отрокъ извѣсти о семъ зломъ совѣтѣ, сего ради не хотѣ Василко пойти ко Святополку; послѣди же, за великимъ налеганіемъ, болѣе вѣруя братомъ и цѣлованію крестному, нежели отроку, прійде ко Святополку и Давыду. Они же абіе емше его, оковаша двома оковы; и вземъ его Давыдъ на своя руцѣ, везе со собою до Володымера, во Звиногородѣ же избоде ему очи и привезъ до Володымера, постави надъ нимъ стражъ. Слышавъ же о семъ Володымеръ Мономахъ Переяславскій, посла ко Олгу и Давыду Святославичомъ, поущая ихъ на Святополка, понеже надъ цѣлованіе крестное начатъ котору; они же абіе a собравшеся пойдоша на Святополка. Святополкъ же предъ ними очищаяся, глаголаше : «яко не азъ, но Давыдъ Игоровичь сіе сотвори;» но они не яша вѣры. Святополкъ же видя, яко злѣ, хотѣ бѣжати съ Кіева, и не даша ему Кіяне, глаголюще : «аще ты бѣжиши, то мы на плѣненіе останемъ; но мы вѣмы, яко Володымеръ многомилостивъ естъ, ты же токмо остави гордыню и послися къ Володымеру, прося его о мирѣ. » Онъ же, послушавъ ихъ, посла къ Володымеру митрополита и жену Всеволожу, очищаяся : «яко не азъ се сотворихъ, но Давыдъ» — и проси мира. Отвѣщаша же Володымеръ и Святославичи: «понеже глаголетъ Святополкъ, яко не онъ, но Давыдъ ослѣпи Василка, сего ради да пойдемъ на Давыда, или его яти, или прогнати;» и обѣщася на се Святополкъ и цѣлова крестъ, они же возвратишася восвояси. Въ то время Володаръ Ростиславичь, князь Премыскій, увѣдѣвъ яже о Василку своемъ братѣ, что ему сотвори Давыдъ, сего ради собрався пойде на Давыда Игоровича ; и прійде до Бузска. Давыдъ же затворися въ Бузску, и видя, яко не може стати противу Володару, посла съ молбою къ Володару, очищаяся: «яко не азъ се сотворихъ и Василка ослѣпихъ, но Святополкъ Кіевскій,» и едва милость получи, а Василка и неволею Володарю брату отдаде; и тако смирившеся разыйдошася. Наставни же веснѣ, прійде паки Володаръ и Василко на Давыда, и Всеволожъ градъ доставше сожгоша и люди избита. Таже прійдоша къ Володымеру и обступиша й со Давыдомъ, и послаша ко гражданомъ, да выдадутъ ему мужей, иже наустиша Давыда на ослѣпленіе Василково, си естъ, Туряка, Лазаря, Василя и проч. ; граждане отъ нужда выдаша имъ въ руцѣ, ихъже хотѣша. Володаръ же и Василко сихъ началниковъ крамолѣ, абіе, въ недѣлю, завѣсивше предъ градомъ разстрѣляша, а со Давыдомъ миръ сотвориша. И едва сіи отъидоша, и се въ понедѣлокъ Святополкъ, якоже обѣцася, прійде на Давыда, и вопервыхъ прійде къ Берестю; Давыдъ же его убоявся, бѣжа ко Владыславу королю Полскому, ища помощи, и даде ему пятдесятъ гривенъ злата. Королъ же рече ему : «се вабитъ насъ Святополкъ къ Берестю, на утвержденіе мира; иди и ты съ нами, и смиримъ тя съ нимъ;» и послушавъ ихъ Давыдъ, пойде со Владыславомъ къ Берестю, И ста Святополкъ въ Берестю, а Ляхи на Бузѣ, и сотвори Владыславъ миръ со Святополкомъ; и даде королю Святополкъ великія дары, да отступитъ отъ Давыда. Владыславъ же потомъ со лестію глагола ко Давыдови : «не послушаетъ мене Святополкъ; но ты пойди и сяди въ Володымерѣ, и аще восхощетъ пойти на тя Святополкъ, мы тобѣ будемъ помагати ;» и послушавъ ихъ Давыдъ пойде къ Володымеру, а Святополкъ, понеже смовился зъ Ляхами на Давыда; пойде абіе на него къ Володымеру; Давыдъ же затворися во градѣ, чая помощи отъ Ляховъ, но не бысть, понеже взяша дары у Святополка и у Давыда. И стоя Святополкъ окрестъ града 6 а) начаша собиратися и прибавл. Г. б) 50 гривенъ такъ въ Лавр.; въ Г. М. и А. ошибк. осмъ гривенъ. Бѣ. 85. Бѣ. 308. a 1097 недѣль 7, Давыдъ же нача молитися, да пустить его изъ града; Святополкъ же повелѣ ему цѣловати кресть, еже уступити ему града Володымера — и тако пусти его. Давыдъ же изшедъ изъ Володымера, иде въ Червенъ и потомъ въ Ляхи. Святополкъ объемъ градъ Володымеръ въ великую субботу, и возвеселися сердцемъ, яко прогнавъ Давыда; и восхотѣ еще Василка и Володаря прогнати, а ихъ державу подъ свою власть взяти, и пойде на Ростиславичовъ, си естъ, на Василка и Володаря. И се слышавше Василко и Володаръ пойдоша на Святополка, вземше крестъ, его же бѣ къ нимъ на миръ цѣловалъ; и снійдошася со собою на поли на Рожни. Василко же поднесе крестъ, свѣдителя Бога призывая, яко Святополкъ непостоянный и злонравный преступивъ цѣлованіе крестное, надѣяся на множество вой : «первѣе цѣлова ми крестъ, и лиши мя очію, и потомъ паки второе очищаяся цѣлова, и се нынѣ ищетъ душа моел; но буди, Господи, самъ судія а неправдѣ его;» и многи тогда видѣша крестъ надъ полкомъ Василковымъ. Егда же сразишася, побѣжденъ бысть Святополкъ и побѣже къ Володымеру; Володаръ же и Василко не идоста по немъ, довлѣющеся своими удѣленными межами и князствы. Святополкъ же посади въ Володымерю сына своего Мстислава, иже недавно замучи за сокровище Василія и Ѳеодора, а Ярослава посла во Угры, вабя 6 ихъ на Володаря Премыского; а самъ пойде ко Кіеву. И прійде Коломацъ, королъ Угорскій, со великимъ множествомъ вой помагати Март. Святополчичомъ, и ста около Премышля по Вягру, и два епископа съ нимъ. Изыйде же Ланка княгиня Премыская, мати Володарева, къ Коломану, моля его, да не дручитъ обстояніемъ неповинна града и людей; Коломанъ же, хромъ сый и шкарадъ ", нетокмо не послушавъ ел, но и уничижи ю и ногою отопхну отъ себе, глаголя : «не достоитъ царю храбру со женами дружбы имѣти,» и изгна ю отъ себе. Давыдъ же Игоровичь въ то время возвратися зъ Ляховъ, и посади жену свою у Володаря, а самъ пойде по Половци; и се стрѣте ихъ уже готовыхъ на пути со Бонякомъ и Миркотомъ князями ихъ, имже далъ много злата, да помагаютъ ему на Коломана короля Угорского, съ ними же абіе прійде. Бонякъ же шолудивый изыйде волхвуя въ нощи, возвы яко волкъ, и отвыся ему волкъ, и паки иные волцы возвыша ; и отъ сего волшебства поразумѣ Бонякъ, яко имать побѣдити Коломана. И тако исполчившеся удари дерзновенно на Коломана, идѣже бишася обои крѣпко; но единаче побѣди Бонякъ Коломана со Угры, и паде ту множество Угровъ, а прочіи во Вягру и Сяну истопоша, убиша же ту и епископа ихъ и отъ бояръ много. Угорскіе лѣтописцы глаголютъ, яко николиже такова побѣда не бысть на Угровъ, якоже тогда. Ярославъ же Святополчичъ бѣжа въ Ляхи, а Давыдъ паки зая Червенъ и проч., прійде же и къ Володымеру, идѣже Мстиславъ Святополчичъ со многими вои затворися; Давыдъ же Игоровичь обступи градъ, и часто приступая хотя его взяти, но браняхуся крѣпко изъ града. Въ той же брани застрѣленъ бысть Мстиславъ Святополчичъ на забралѣхъ стрѣлою подъ сердце, идѣже абіе и умре, по прореченію преподобномученика Василія Печерского, его же со Ѳеодоромъ о сокровищѣ убилъ бяше сей Мстиславъ; якоже о томъ пространнѣе во Житін сихъ святыхъ. Тогда Володымерцы послаша ко Святополку, повѣдающе о смерти сына его Мстислава и просяще отъ него помощи; Святополкъ же посла Путяту воеводу своего со вои воскорѣ, иже и пришедъ къ Луцку ко Святоши Давыдичу, внуку Святославлю; а сей Святоша уже цѣлова крестъ Давыду Игоровичу, еже повѣдати ему все, егда что услышитъ отъ Святополка, но и тогда еще бяху мужи Давыдови у Святоши. Святоша же, солгавъ крестному цѣлованію, нетокмо не сказа Давыду, но и со Путятою прійде на Давыда нечаянно; и обрѣтше его спяща поразиша злѣ, яко едва самъ со маломъ дружины утече. Они же свободивши градъ отъ обстоянія, посадиша въ Володымерѣ посадника Святополча Василія, и возвратишася восвояси; а) судія пропущ. въ Г. б) бава Г. М. в) По-Польски szkaradny скаредный. |