Изображения страниц
PDF
EPUB

He turn'd her owre, and owre again,-
O gin her skin was white!

He said "I might hae spared thy life
To been some man's delight!

"Busk and boun, my merry men a'!
For ill dooms I do guess;

I canna look in that bonny face
As it lies upon the grass."

"Them looks to frights, my master dear! Their frights will follow [hame];

Let it ne'er be said brave Edom o' Gordon Was daunted with a dame!".

O then he spied (her ain dear lord
As he came owre the lea),
He saw his castle in a fire,
As far as he could see.

"Put on! put on, my wighty men!
As fast as ye can drie !

For he that's hindmost of my men
Shall ne'er get good o' me."

And some they rade, and some they ran, Fu' fast out owre the plain;

But lang, lang ere he could get up

They were a' dead and slain.

But mony were the moody men
Lay gasping on the green;

For of fifty men that Edom brought out
There were but five gaed hame.

THE TWA BROTHERS.

"O will ye gae to the schule ? brother!
Or will ye gae to the ba'?

Or will ye gae to the wood a-wrastling,
To see whilk o' us maun fa'?”

"It's I winna gae to the schule, brother!
Nor will I gae to the ba';

But I will gae to the wood a-wrastling,
And it is you maun fa'."

They wrastled up, they wrastled down,
The live-lang simmer's day,

Till out and Willie's drawn his sword
And did his brother slay.

"O lift me up upon your back,

Take me to yon well fair!

You'll wash my bluidy wounds owre and owre, And syne they'll bleed nae mair.

"And ye'll take aff my holland sark,
And rive it frae gair to gair;
Ye'll steep it in my bluidy wounds,
And syne they'll bleed nae mair."

He's lifted his brother upon his back,
Ta'en him to yon well fair;

He's wash'd his bluidy wounds owre and owre,
But aye they bled mair and mair.

And he's ta'en aff his holland sark,
Riven it frae gair to gair;

He's steeped it in his bluidy wounds,
But aye they bled mair and mair.

66

"Ye'll lift me up upon your back,

Take me to Kirk-land fair;

Ye'll make my grave baith braid and lang, And lay my body there.

"Ye'll lay my arrows at my head,
My bend-bow at my feet,

My sword and buckler at my side,
As I was wont to sleep.

"When ye gae hame to your father,
He'll speir for his son John:
Say ye left him into Kirk-land fair,
Learning the schule alone.

"When ye gae hame to my sister,
She'll speir for her brother John :
Ye'll say ye left him in Kirk-land fair,
The green grass growing aboon.

"When ye gae hame to my true Love,
She'll speir for her [love] John :

Ye'll say ye left him in Kirk-land fair,
But hame ye fear he'll never come."

He's gane hame to his father;

He speir'd for his son John :
It's "I left him into Kirk-land fair,
Learning the schule alone."

And when he gaed hame to his sister,
She speir'd for her brother John :
It's "I left him into Kirk-land fair,
The green grass growing aboon."

And when he gaed hame to his true Love,
She speir'd for her [love] John:

It's "I left him into Kirk-land fair,-
Hame I fear he'll never come."

"But what bluid's that on your sword? Willie !

Sweet Willie ! tell to me!"

"O it's the bluid o' my grey hounds;

They wouldna rin for me."

"It's nae the bluid o' your hounds, Willie !,

Their bluid was never so red;

But it's the bluid o' my true Love
That ye hae slain [instead]."

That fair may wept, that fair may mourn'd,
That may did mourn and pine :
"When every [may] looks for her love,
I ne'er need look for mine!"

66

"O what death will ye die? Willie !

Now, Willie! tell to me." "Ye'll put me into an oarless boat, And I'll gae sail the sea."

"When will ye come home again? Willie ! Now, Willie! tell to me."

"When the sun and moon dance on the green. And that will never be."

EDWARD.

Why does your brand sae drip wi' bluid?

Edward! Edward!

Why does your brand sae drip wi' bluid,
And why so sad gang ye, O?"

"O I hae kill'd my hawk sae gude,

Mither! mither!

OI hae kill'd my hawk sae gude,
And I had nae mair but he, O!"

"Your hawk, his bluid was never sae red,

Edward! Edward!

Your hawk, his bluid was never sae red,

My dear son! I tell thee, O!" "O I hae kill'd my red-roan steed,

Mither! mither!

OI hae kill'd my red-roan steed,

That erst was sae fair and free, O!"

"Your steed was auld, and ye hae got mair,
Edward! Edward!

Your steed was auld, and ye hae got mair;
Some other dule ye dree, O!"

“O I hae kill'd my father dear,

Mither! mither!

O I hae kill'd my father dear,—

Alas! and woe is me, O!"

"And what penance will ye dree for that?

Edward! Edward!

And what penance will ye dree for that?
My dear son! now tell me, O!"

"I'll set my feet in yonder boat,

Mither! mither!

I'll set my feet in yonder boat,

And I'll fare over the sea, O!"

"And what will ye do wi' your towers and your ha'?

Edward! Edward!

And what will ye do wi' your towers and your ha'
That were sae fair to see, O?"

"I'll let them stand till they downfa',

Mither mither!

I'll let them stand till they downfa',

For here never maun I be, O!"

"And what will ye leave to your bairns and your wife,

Edward Edward!

And what will ye leave to your bairns and your wife, When ye gang over the sea, O?"

« ПредыдущаяПродолжить »