ему въ домъ Яневъ, къ Яневи и къ подружію его Маріи, бѣ бо любя ихъ блаженый Ѳеодосій, понеже живяста въ заповѣдехъ Господнихъ и въ любви межю собою пребываста; единою же пришедшю ему къ нима, и учаше ихъ о милостыни къ убогымъ и о царствіи небеснѣмъ, еже пріати праведникомъ, а грѣшнымъ муку, и о смертнѣмъ часѣ; еще же и се ему глаголющю има о положеніи тѣла въ гробѣ има, и рече ему Яневаа : «кто повѣсть, гдѣ мя положать?» Рече же ей Ѳеодосій : «по истинѣ идѣже лягу азъ, ту и ты положена будеши.» Cie же сбысться по 18 лѣтъ преставлені святаго : преподобному бо Ѳеодосію преставльшуся преже 18 лѣтъ пренесеніа честнаго тѣлеси его, егда же пренесоша мощи его, и тогда того же лѣта и мѣсяца преставися Яневаа, именемъ Марія, мѣсяца августа въ 16 день; и пришедше черноризьци, пѣвше обычныя пѣсни, и принесше положиша ю въ церкви святыя Богородица Печерьскіа, противу гробу Ѳеодосіеву на шюей странѣ. Ѳеодосій бо положенъ бысть въ 14 августа, a cia въ 16. Сіе же сбысться прореченіе преподобнаго Ѳеодосіа, добраго пастыря, иже пасяше словесныя овца нелицемѣрно, съ кротостію и съ расмотрѣніемъ, съблюдая ихъ и бдя за ня, и моляся за порученное ему стадо и за вся православныя христіяны и за землю Русскую, иже и по отшествіи своемъ отъ сеа жизни молится за люди вѣрныя и за своа ученикы, иже взирающе на честную его раку и поминающе ученіе его и въздержаніе, прославляють Бога. Азъ же грѣшный и недостойный рабъ его и ученикъ Несторъ недоумѣю, како похвалити добраго его житія и въздержаніа: но сіа реку мало нѣчто. Радуйся, отче нашь и наставниче, мірьскіа плища отринувъ, и млъчаніе възлюби, Богу послужилъ еси въ тишинѣ, и въ мнишьскомъ житіи всяко себѣ принесеніе божественое принеслъ еси, пощеніемъ превъзвышься, плотьскіа сласти възненавидѣвъ и мірьскую красоту и желаніе вѣка сего отринувъ, послѣдуа стопамъ, высокомысленымъ Отцемъ ревнуа, молчаніемъ възвышаася и смиреніемъ украшаася, въ словесѣхъ книжныхъ веселуася. Радуйся, укрѣпивыйся надежею вѣчныхъ благъ, ихже пріалъ еси, умертвивъ плотское желаніе и источникъ безаконіа и мятежь, преподобне, и бѣсовьскыхъ козней избѣгъ и сѣтей его, съ праведными, отче, почилъ еси, въспріимъ противу трудомъ своимъ възмездіе, Отцемъ снаслѣдникъ бывъ, послѣдовавъ ученію ихъ и нраву и въздержанію, и правило ихъ правя. Паче ревноваше великому Ѳеодосію, нравомъ и житіемъ подобяся житію его, и въздержанію ревнуа, и послѣдствуа обычаю его, и преходя отъ дѣла въ труды уншаа, обычныя молбы Богу въздаа и въ воню благоуханіа принося кадило молитвеное, Фиміанъ благовонный, побѣдивъ мірьскіа похоти, міродръжца князя тмы вѣка сего супротивника поправъ діавола и козни его, побѣдникъ явися противнымъ его стрѣламъ и крѣпкымъ помысломъ ставъ супротивно, укрѣпився оружіемъ крестнымъ, и вѣрою непобѣдимою, и Божіею помощію. Тѣмже, о честный отче и пастырю Христова стада, помолися и за мя недостойнаго раба твоего Нестора, избавлену ми быти отъ сѣти непріазнины, и отъ противнаго врага съблюди мя твоими молитвами, о Христѣ Ісусѣ о Господѣ нашемъ, ему же подобаеть слава и честь и покланяніе, съ безначалнымъ его Отцемъ, съ пресвятымъ и благымъ и животворящимъ Духомъ, и нынѣ и присно и въ вѣкы вѣкомъ, аминь.

И

S

ПОПРАВКИ.

Стран. 9, строк. 10 Козаромъ. чит. Козаромъ.»

С. 17, с. 19 ищуща чит. имуща.

С. 26, с. 28 наслаждаетъ чит. наслажаетъ.

С. 45, с. 35 проображенье чит. проображенье.

С. 71, с. 45 въ лѣто 6574 И. Х. чит. въ лѣто 6574 Л.

С. 72, с. 37 въ лѣто 6575 И. Х. чит. въ лѣто 6575 Л.

с.

с. 41 въ лѣто 6576 И. Х. чит. въ лѣто 6576 л.

С. 104, с. 9 и на богъ. Можетъ быть и на Бугъ. Въ подл. безъ разстановки: инабогъ.