,

a

-87

въ которахъ межи собою. Много о томъ писати, но то оставимъ. Ахматъ оставя брата своя 21983 блюсти и крѣпити свободъ своихъ и самъ не смѣ остати въ Руси, зане не моглъ няти ни единого князя, и поиде въ Татары, держася полку Татарского; а съ которого стану двигнутся, потнуть человѣка. И бяше видѣти дѣло стыдно и велми страшно, и хлѣбъ во уста не идяшеть отъ страха.

Въ лѣто 6792. Два бесурменина идоста изъ свободы въ другую свободу, а Руси съ нима болѣ 30 человѣкъ. Слышавъ же Липовичьскый князь Святославъ, сдумавъ съ своею дружиною, безъ Олговы думы, достерегъся на пути розбой створи : самѣ 2 братеника бесерменина, та утекла, а Руси избилъ 25 и 2 бесерменина. Се же створи Святославъ одинъ безъ Олга, и творяшеся добро учинилъ, а на болшюю пакость Олгу и собѣ, еже послѣди скажемъ. Того же лѣта, по Велицѣ дни въ недѣлю Ѳомину, побѣгоста 2 братеника та бесерменина къ Курьску, а на заутрѣи въ понедѣлникъ побѣжа вся свобода та, и другая; и тако розоидошася обѣ свободѣ бесерменьскіѣ. Того же лѣта приде Олегъ князь изъ орды, и створи память избитымъ бояромъ; и посла къ Святославу, река : «чему еси затерялъ правду, взложилъ еси имя разбойниче на мене и на себе? зимусь еси ночи на свободу розбоемъ ударилъ, а нонѣ на пути еси розбилъ; а вѣси норовъ Татарскый, да въ насъ и въ Руси лихо розбой учинити; поиди въ орду, отвѣчай.» Онъ же отпрѣся, река: «язъ самъ вѣдаюся въ своемъ дѣлѣ, правъязъ, аже есмъ тако учинилъ то бо суть мои ворози.» И рече Олегъ: «то се ты со мною цѣловалъ кресть, ходити нама по одиной думѣ обѣма; то ты коли рать была, со мною еси ко царю не бѣжалъ, но осталъ" еси въ Руси, избывъ въ Вороножьскыхъ лѣсѣхъ, того дѣля что розбити, а крестного цѣлованья забывъ, чтобы нама Богомъ и правдою своею потягати бесерменина; и нынѣ затерялъ еси правду мою и свою ти, не идешь ни къ своему царю, ни къ Ногаю на исправу; да како мя съ тобою Богъ розсудить.» Якоже и бысть. Прида Олегъ изъ орды съ Татары, и уби Святослава по цареву слову; послѣди же Святославль брать Олександръ уби Олга, и 2 сына его мала, и еще на мѣстѣ створися радость дьяволу и его поспѣшнику Ахмату.

,

Въ лѣто 6793. Романъ князь Брянскый приходилъ ратью къ Смоленску, и пожже пригородъ и отъиде всвояси. Того же лѣта заложена бысть церкы камена на Тфѣри, благовѣрнымъ княземъ Михаиломъ, и матерью его Оксиньею, и преподобнымъ епископомъ Семеономъ, Кузму Демьяну; и преложища имя святый Спасъ Преображенье. Того же лѣта воевали Литва ТФѣрьского владыкы волость Олешню; и совкупившеся ТФѣричи, Москвичи, Волочане, Новоторжьци, Зубчане, Ржевичи", и шедше биша Литву на лѣсъ, въ канунъ Спасову дни; и поможе Богъ хрестьяномъ, великого князя ихъ Домонта убиша а иныхъ изъимаша а овыхъ избиша, полонъ весь отъяша, а иніи розбѣжашася.

Въ лѣто 6794. Въ лѣто 6795. Въ лѣто ⭑

,

,

де къ Москвѣ близь, а не бяшеть ему вѣсти, яко на Москвѣ полци Тотарьскія и Андрѣй князь; и обрѣтеся попинъ, тотъ попинъ проводи князя на путь, и тако заступи Богъ князя молитвою дѣднею и отнею, и не презрѣ Богъ слезъ и молитвы матери его. Татарове же и Андрѣй князь слышавше приходъ княжь Михаиловъ, и не поидоша на Тоѣрь, но поступиша на Волокъ, и на Волоцѣ то же зло сдѣвша, и изъ лѣсовъ

в) остати. такъ исправлено; въ Л. оставити. б) идоста» пропущено въ Л.; дополнено по Карамз. IV, прим. 167. в) во осталъ такъ исправлено; въ Л. ошибк. не осталъ. г) ржевичи» рожевичи Л.

* Въ Лавр. недостаетъ листа; далѣе слѣдуетъ лѣтописная статья, относящаяся къ 6802 (1294) году.

1300

1994 ЛЮДИ изведоша, и поидоша назадь къ Переяславлю. Тое же зимы Ѳеодоръ князь Ростиславичь сѣде на Ярославли, а Андрѣй поиде поиде въ Великый Новъгородъ; Татарове же поидоша всвояси. Тое же зимы Андрѣй приде изъ Новагорода въ Торжекъ. Тое же зимы царь Тотарскый приде въ Тфѣрь, имя ему Токтомѣрь, и много тягости людемъ учинивъ, поиде всвояси. Тое же зимы преставися Ѳеодоръ князь Рязанскый.

Въ лѣто 6805. Дмитрій великый князь поиде въ отчину свою, мимо Торжекъ, Андрѣй князь перея его на броду, самъ князь перепровадился черезъ рѣку, а товара ючного не устигли перепровадити; и отъима князь Андрѣй товаръ. Тое же весны Ѳеодоръ Ростиславичь пожже Переяславль. Того же лѣта преставися великій князь Дмитрій, близь Волока. Того же лѣта преставися епископъ Рязанскый Василій. Того же лѣта оженися Михайло князь на Тоѣри, и вѣнча его епископъ Андрѣй въ святѣмъ Спасѣ, мѣсяца ноября въ 8, на Сборъ архистратига

Михаила.

Въ лѣто 6804. Погорѣ городъ Тфѣрь, по Велицѣ дни на 6-й недѣли въ суботу, заутра Сборъ отець святыхъ. Того же лѣта поставленъ бысть епископъ Семенъ Володимерю, мѣсяца ноября.

Въ лѣто 6805. Приде Андрѣй князь изъ Тотаръ, и совокупи вои, и хотѣ ити на Переяславль ратью, да отъ Переяславля къ Москвѣ и ко Тфѣри. Слышавъ же князь Михайло Тфѣрьскій и Данило Московьскій князь, и совокупивъ вои, и пришедше и стаста близь Юрьева на полчищи, Андрѣй въ Володимери; и тако не даста поити Андрѣю на Переяславль, бяшеть Іоанъ князь, сынъ Дмитріевъ, ида въ ворду, приказалъ Михаилу князю блюсти отчины своее и Переяславля; и замало бою не бысть промежи ими , и взяша миръ и поидоша всвояси.

,

Въ лѣто 6806, на святой недѣли въ суботу, на ночь, освитающи недѣли Ѳоминѣ, въ городѣ на ТФѣри зажжеся дворъ княжь. Се же чюдо бысть како заступи Богъ князя : колко людій въ сѣнехъ спяще не очютили, ни сторожеве, но самъ князь съ княгинею очютивъ огнь, изиде вонъ со княгинею и не успѣ ничего вымчати; и тако погорѣ немало имѣнья, золота и сребра, оружья, портъ. Того же лѣта моръ на скотъ бысть. Того же лѣта сухмень бысть, загарахутся болота и борове. Тое же весны болѣсть князю силна.

Въ лѣто 6807, мѣсяца мая въ 19, огородилося бяшеть солнце грозно. Того же лѣта Ѳеодоръ Ростиславичь приходи къ Смоленску ратью, и не успѣвъ ничтоже взвратися. Того же лѣта, мѣсяца семтября въ 15, въ понедѣлникъ по вечерни, родися князю Михаилу ТФѣрьскому сынъ, и нарекоша имя ему Дмитрій. Того же лѣта преставися князь Ярославъ Проньскый. Въ лѣто 6808, въ суботу страстныя недѣли, освитающю Пасхы Господня, погорѣ Новъгородъ Великый. Того же лѣта преставися епископъ Климентъ. Того же лѣта, съ весны, вѣтри силни быша, и дождове, и громове; въ Торжку туча на одномъ часу ровъ учинило, и хоромовъ нѣсколко снесло изъ основанья. Того же лѣта Олександръ Глѣбовичь изъ Смоленьска приходилъ ратью къ Дорогобужю, и оступя городъ воду отъялъ; Андрѣй Вяземьскый князь приде съ Вяземци и поможе Дорогобужьцемъ, и убиша у Олександра сына, а самого Олександра ранили князя, и брата его Романа, а Смолнянъ убили 200 человѣкъ, и Олександръ взвратися всвояси. Того же лѣта Рязаньскый князи Ярославичи у Переяславля. Того же лѣта митрополитъ Максимъ, не терпя Татарьского насилья, оставя митрополью и сов жа изъ Кіева, и весь Кіевъ розбѣжалься; а митрополитъ иде ко Бряньску, и оттолѣ иде въ Суждальскую землю, и со всемъ своимъ житьемъ. Того же лѣта преставися Ѳеодоръ Ростиславичь на Ярославли, въ черньцехъ и въ скимѣ. Того же лѣта, мѣсяца октября въ 11, родися Михаилу князю Тфѣрьскому дчи, и наречено имя ей Ѳеодора.

а) того же л. рязаньскый у переяславля» недостаетъ слова: бишася или смиришася. Сей статьи въ паралельныхъ мѣстахъ другихъ Лѣтописей не встрѣчается.

Въ лѣто 6809, мѣсяца іуля въ 5, на 8 недѣли въ пятокъ по Пасцѣ, погорѣ Торжекъ. Того же 1301 лѣта въ Новѣгородѣ Великомъ поставленъ бысть Ѳеоктистъ епископомъ, мѣсяца іюня * 29, на -305 память святаго апостола Петра и Павла, митрополитомъ Максимомъ, Андрѣй епископъ ТФѣрьскый, Семенъ епископъ Ростовьскый, при великомъ князи Андрѣи; и бысть причетникъ святое Софьи Новгородьскыѣ. Того же лѣта учиниша снемъ у Дмитрова Андрѣй князь великый, Михайло князь Тфѣрьскый, Данило князь Московьскый, Іоанъ князь Дмитреевичь изъ Переяславля, и взяша миръ межю собою; а Михайло съ Иваномъ не докончалъ межи собою. Того же лѣта, мѣсяца октября въ 7, въ пятокъ, родися князю Михаилу сынъ, и нарекоша имя ему Олександръ. Того же лѣта, въ осенинѣ, Данило князь Московьскый приходилъ на Рязань ратью,. и билися у Переяславля, и Данило одолѣлъ, много и Татаръ избито бысть, и князя Рязаньского Костянтина нѣкакою хитростью ялъ, и приведъ на Москву.

Въ лѣто 6810. Андрѣй князь великій Олександровичь иде изъ Новагорода изъ Великого и съ Новгородци на Нѣмци, и городокъ Нѣмечьскый взялъ и Неву, и раскопати повелѣлъ, а самѣхъ Нѣмець избили, а иныхъ руками изъимали, а князя ихъ убили; а Михайло ТФѣрьскый князь не дошедъ Новгорода, слышавъ, оже побѣжени Нѣмци, и воротися назадъ. Того же лѣта, мѣсяца іуля въ 5, по Петровѣ постѣ въ четвертокъ, бысть буря велика, и много пакости бысть, по селомъ дубье подрало. Того же лѣта, во осенинѣ, явися звѣзда на западѣ, луча имущи яко и хвостъ къ горѣ, къ полуденью лиць. Того же лѣта, мѣсяца ноября въ 8, на память архистратига Михаила, быша постриги у князя у Михаила сынови его Дмитрію.

Въ лѣто 6811. Преставися Иванъ князь, сынъ Дмитреевъ, въ Переяславли. Того же лѣта великый князь Андрѣй, во осенинѣ, поиде въ Татары. Того же лѣта, на зиму, Данило князь Олександровичь сѣде въ Переяславли. Того же лѣта, мѣсяца февраля въ 25, въ понедѣлникъ, преставися Борисъ князь, сынъ Андрѣевъ, на Костромѣ.

Въ лѣто 6812, мѣсяца марта въ 5, на безъименьной недѣли во вторникъ, преставися князь Данило Олександровичь на Москвѣ, въ своей отчинѣ, въ черньцѣхъ и въ скимѣ.

Въ лѣто 6815, индикта 2, мѣсяца іюня въ 23, на память святыя мученицы Агрипины, въ вторникъ, въ полъдни, бысть туча велика съ встока, и удари громъ вельми силно въ маковицю святаго Ѳеодора церковь", и зажже,, и сгорѣ до вечерниг.

въ

Радуется купець прикупъ створивъ, и кормьчій въ отишье приставъ, и странникъ въ отечьство свое пришедъ; такоже радуется и книжный списатель, дошедъ конца книгамъ, такоже и азъ худый, недостойный и многогрѣшный рабъ Божій Лаврентей мнихъ. Началъ есмъ писати книги сія, глаголемый Лѣтописець, мѣсяца генваря въ 14, на память святыхъ отець нашихъ аввадъ, Синаи и въ Раифѣ избьеныхъ, князю великому Дмитрію Костянтиновичю, а по благословенью священьнаго епископа Діонисья, и кончалъ есмъ мѣсяца марта въ 20, на память святыхъ отець нашихъ, иже въ монастыри святаго Савы избьеныхъ отъ Срацинъ, въ лѣто 6885, при благовѣрпѣмъ и христолюбивѣмъ князи великомъ Дмитрій Костянтиновичи, и при епископѣ нашемъ христолюбивѣмъ священномъ Діонисьѣ Суждальскомъ и Новгородьскомъ и Городьскомъ. И нынѣ, господа отци и братья, оже ся гдѣ буду описалъ, или переписалъ, или не дописалъ, чтите исправливая Бога дѣля, а не клените, занеже книгы ветшаны, а умъ молодъ не дошелъ; слышите Павла апостола глаголюща: не клените, но благословите. А со всѣми нами хрестьяны Христосъ Богъ нашь, Сынъ Бога живаго, ему же слава и держава и честь и покланянье со Отцемъ и съ пресвятымъ Духомъ, и ныня и присно въ вѣкы, аминь.

а) іюня» іюля ошибк. Л. б) въ четвертокъ» сіе слово стерлось; дополнено по Пасхаліи. в) въ церковь» на костромѣ прибавлено въ другихъ Лѣтописяхъ. г) Засимъ три строки пробѣла, и далѣе послѣсловіе, писанное киноварью. Томъ І.

27

II.

ТРОИЦКАЯ Лѣтопись.

Троицк. 1.

1206

-209

(См. выше въ семъ томѣ стр. 179).

Въ лѣто 6714. Въ лѣто 6715. Въ лѣто 6716. Пріиде Лазарь, Всеволожь княжь мужь, изъ Володимеря, и повелѣ убити Олексу Сбыславича на Ярославлѣ дворѣ, и убиша й безъ вины марта 17; а заутра бысть чюдо, плакася святая Богородица у святаго Іякова въ церкви.

Въ лѣто 6717. Иде князь Костянтинъ Всеволожичь съ Новогородци на Чернѣговъ, позванъ великымъ княземъ Всеволодомъ, и пріидоша на рѣку Оку, и ту скопишася вси вои; а князи Рязанстіи сташа объ ону страну Окы, въ помощь Всеволоду. И позва Всеволодъ ихъ на обѣдъ, и сѣдоша 6 князей въ шатрѣ, а Глѣбъ и Олегъ у Всеволода же и Новогородци; и ту обадиша Володимерича братью свою: «не ими, княже, вѣры братьи наю, суть ся свѣщали съ Чернѣговьскими князи.» и тѣмъ и обличиша Резаньстій князи. И князь великій Всеволодъ, изымавъ мужи ихъ, велѣ поковати и посла къ Володимерю, а самъ поиде и съ клеветникома на Рязаньскую волость. И пріиде къ Проньску и рече: «предайте ми ся,» они же сташа съ княземъ Изяславомъ съ 3-мъ Володимеричемъ, Куръ Михаилъ побѣже преди изъ Проньска; и отъя оть нихъ воду, и они предашася, и княгиню Куръ Михаилову, товара поима безъ числа, а со Изяславомъ миръ взя, отъидоша здоровы. А князь великый отпусти Новгородци съ Коломны, одаривъ безъ числа, и да имъ уставъ старыхъ князь, его же хотяху Новогородци, и рече имъ: «кто вы добръ, того любите, а злыхъ казните.» И створиша Новогородци вѣче на посадника Дмитра, а ркучи, яко той повелѣ на Новогородцѣхъ сребро поимати, а по волости куры брати и повозы возити, и иное все зло; и дворъ его и села пограбиша, а что ся на дъскахъ остало въ писмѣ, а то все князю. И посла князь великій Всеволодъ сына своего Святослава въ Новгородъ, и прійде вь недѣлю мясопустную, и даша князю дьскы Дмитровы, а бяше на нихъ богатества безъ числа; и цѣлова князь

а) свѣщали такъ исправлено по Новг. первой Лѣтописи; въ Т. свитали. б) обличиша» такъ должно читать; въ Т. обличи. в) съ 3-мъ володимеричемъ» съ 3-мъ володимериче Т.; въ Новг. перв. Лѣт. съ третіемъ (съ третьимъ) володимиричемъ.

и

Святославъ къ Новугороду, а дѣтей Дмитровыхъ и племеникъ его всѣхъ посла къ отцу, а на 1909 иныхъ сребро поима.

Въ лѣто 6718. Князь Володимеръ угони Литву съ Новогородци въ Ходыницѣхъ, и избиша ихъ. Того же лѣта ходи князь великій Всеволодъ на Рязань, и рече имъ : «поидѣте ко мнѣ съ сыномъ моимъ Ярославомъ, за Оку, на миръ;» и переидоша къ нему, и ту ихъ изнима, и посла къ граду полкы, и градъ ихъ зажже, а жены ихъ и дѣти поима, и тако расточи по градомъ.

Въ лѣто 6719. Исперва не хотя добра злодѣи, и зависть вложи людемъ на архіепископа Митрофана со княземъ Мстиславомъ, и не даша ему правитися, и ведоша и въ Торопечь; онъ же то прія съ радостью, яко Іоанъ Златоустый и Григоріе Акраганьскый, ту же печаль и сей3 прія, славя Бога. Тогда же бяше пришелъ, преже изгнанья Митрофаня архієпископа, Добрыня Ядрѣйковичь изъ Царяграда, и привезъ съ собою гроба Господня, а самъ пострижеся на Хутинѣ у святаго Спаса; и волею Божіею възлюби его князь Мстиславъ и вси Новогородци, и послаша въ Русь ставитися, и пріиде поставленъ архіепископъ Антоній, и створи полату Митрофаню въ церковь во имя святаго Антонія.

Въ лѣто 6720. Ходи Мстиславъ на Чюдь, рекомую Торму, съ Новогородци, и много плѣни

ша ихъ и богатество ихъ много взяша.

Въ лѣто 6721. Въ лѣто 6722. Иде князь Мстиславъ съ Новогородци на Чюдь на Нереву къ морю, села ихъ пожже, а самѣхъ побиша, а сташа подъ градомъ Воробіиномъ; и Чюдь добиша челомъ князю Мстиславу, и дань на нихъ взя, и бяше ту князь Пьсковьскый Всеволодъ Борисовичь и Торопечьскый князь Давыдъ, и пріидоша вси здрави. Того же лѣта изгони князь Всеволодъ Чермный, сынъ Святославль, а правнукъ Олговъ; внукы Ростиславли изъ Руси, тако рка : «братьа моа есте два князя повѣсили вы въ Галичѣ, яко злодѣя, и положили есте укоръ на всѣхъ, и нѣсть вамъ части въ Руской земли.»

Въ лѣто 6723. Князь Мстиславъ поиде къ Кіеву, а княгиню оставя въ Новѣгородѣ, и сына своего князя Василія.

Г

Въ лѣто 6724. Князь великій Мстиславъ поиде съ Новогородци на зятя своего князя Ярослава, мѣсяца марта въ 1 день, въ вторникъ; а въ четвертокъ побѣгоша къ Ярославу крестопреступници, Володиславъ Завидовичь, Гаврило Игоревичь, Юрьи Олексиничь, Гаврило Милятиничь, и съ женами и съ дѣтми. Князь же съ Новогородци быша верху Волгы, и князь Святославъ общедъ городець Ржевку Мстиславль съ полкы въ 10.000, Мстиславъ же съ Владимеромъ съ Плесковыскымъ поиде вборзѣ въ 500, толко бо всѣхъ вой бяше, и пригониша, а они бяху побѣгли прочь; Ярунъ затворися въ градѣ въ 100, и отбися ихъ, и Мстиславъ взя Зубцевъ. И быша на Волзѣ, пріиде Володимеръ Рюриковичь съ Смолияны, и послаша на Торжекъ къ Ярославу о миру, а сами сташа на Холохолнѣ4. Ярославъ же отвѣтъ да: «миру не хощу, пошли есте, поидите же, но ни сту васъ достанется одинъ васъ.» И ркоша промежу себе князи : «ты, Ярославе, съ плотью, а мы съ крестомъ честнымъ.» Ярославли же мужи учиниша твердь, а пути отъ Новагорода засѣкоша и рѣку Тферцу. И ркоша Новогородци княземъ: «поидемъ мы къ Торжьку;» и · князи ркоша : «аще поидемъ къ Торжку, попустошимъ Новгородскую волость.» И пондоша къ Тфери, и начаша имати села и жечи, а на Ярослава не бѣ вѣсти, въ Торжку ли или въ Тфери. И Ярославъ слышавъ, оже емлютъ села, ѣха изъ Торжку въ Тферь, поимавъ съ собою старѣйшія боляре и Новогородци и молодыхъ изборомъ, а Новоторжьци вси, и посла 100 мужъ избранныхъ въ сторожу ; они же выѣхавше, за 15 верстъ отъ града явишася, ту бо стали бяху князи наши,

-16

4) и сей» и сна Т. б) торму» такъ исправлено; въ Т. порму. в) въ галичѣ» въ галичь ошибк. Т. г) мстиславль» такъ исправлено по Новг. перв. Аѣт.; въ Т. истиславъ, д) а сами. . . на холохолнѣ» исправлено по Карамз. IV, прим. 164; въ Т. ошибк. и ями сташа на хъльхне. е) къ торжьку. съ торжьку ошибк. Т.