..13 NEW YORK PUBLIC LIBRARY

ASTOR, LENOX TILDEN FOUNDATION

Thou art a queen, fair Lesley,

Thy subjects we, before thee;
Thou art divine, fair Lesley,

The hearts o' men adore thee.

The deil he couldna scaith thee,

Or aught that wad belang thee;
He'd look into thy bonnie face

And say, 'I canna wrang thee!'

The powers aboon will tent thee;
Misfortune sha' na steer thee;
Thou'rt like themselves sae lovely,

That ill they'll ne'er let near thee.

Return again, fair Lesley,

Return to Caledonie!

That we may brag, we hae a lass
There's nane again sae bonnie.

HIGHLAND MARY.

14TH NOVEMBER, 1792.

Ye banks, and braes, and streams around The castle o' Montgomery,

Green be your woods, and fair your flowers, Your waters never drumlie!

There simmer first unfauld her robes,

And there the langest tarry;

For there I took the last fareweel
O' my sweet Highland Mary.

How sweetly bloomed the gay green birk,
How rich the hawthorn's blossom,

As underneath their fragrant shade
I clasped her to my bosom!