Изображения страниц
PDF
[merged small][ocr errors]

Мудрaа основаніa твердости и крѣпости стѣнь, и утвержденіе вратъ, и свѣденіе столпь, и полатъ украшеніе, разумъ же не пріидетъ ни ко единому ухищренію, да тѣмъ не могу (о) реченнѣмъ повѣдати, ибо самъ азъ не насладихся тоя неизреченныя красоты, якоже и се въ той подобныа вещи благочестіа дръжателю православныхъ и христолюбивыхъ князя Бориса, еже повелѣль ми есть написати отъ слова честь премудраго Михаила, боголюбиваго! князя, и тои же выше силы? нашеа есть, не до самого ради словесъ вашихъ. Обаче молю преже твое боголюбіе, честнаa главо, бо? самъ чюдяся мужа разумомъ, нравомъ, и не могый того единого разсужденіа въ умъ привести, и ослушаніa боюся, да аще отъ великыхъ много малаа и нѣкaа рече ему, всяко прощенія мѣсто да пріимемъ отъ Бога дарованныя ти и неуклонныя ти рукы, благочестивый самодрьжецъ, ради же по истиннѣ великаго и неудобь скажима, и основанія бо сего на твердемъ семь Христовѣ камени вѣ— ры, по реченному глаголомъ, иже николиже позыбаемо бурею забвеніа, еже о любвe церкве Божіа, Михаила реку великого самодрьжца. По истиннѣпремудрости домъ себѣ всехитрѣ основа богоразумнаго града, еже страха Божіа въ

твердѣмъ сердца, яко на камени вѣри, и крѣпко стѣны въдружи, а реку благыа нравы. Что же глаголю, кто бо можетъ исчести мужа того? Многaа бо и преславнаa съдѣяшеся въ дни благовъзраста его, елма же не мога вѣдущимъ. Повелѣніемъ же боголюбныа твоa дрьжавы, Богу наставляющу худость нашу, да убо отсели начатокъ поставимъ; а иже кто можеть множaа вѣсти, болшаa покажетъ. Мы же елико многа безъ лѣности речемъ зряще Рускаго гранографа по великому изложенію предръжаща, иже въ всемъ лѣтѣ и родовомъ и градовомъ бытіа правѣ подавающе. Отъ Кіева же бо начну даже и до сего богохранимаго Тферскаго града, въ немже въспитаніе бысть благородному Михаилу, великому князю. Прьвое честь мужу речемъ, да всѣмъ вѣдомо будетъ, отъ которого" богасаднаго корени таковаа добраплоднаa отрасль, или реку вѣтвъ, израсте и разумь же даетъ. Великый убо Владимерь, иже святымъ крещеніемъ просвѣтивый землю Рускую, сій Ярослава роди, и Ярославу сынъ бысть Всеволодъ, и Всеволоду бысть сынъ Володимеръ, и Владимеру бысть сынь Юрый, а Юрыи сынъ бысть Всеволодъ, а Всеволоду сынъ бысть Ярославь, а Ярославу сынъ бысть пакъ Ярославъ, и сему Ярославу сынъ бысть Михаилъ, а Михаилу сынъ бысть Александрь, Александру сынъ бысть сій доблій Михайло. И Александрь же, иже такоже самодрьжецъ бѣ, владѣяше землю Рускую, якоже и отецъ его Михаилъ и вси прадѣди его. Доздѣ пипущу уставихомъ испрьваго лѣтописца въoбражающе, якоже Володимерскій полихронъ степенемъ приведе явѣ указуетъ, и пречестнѣйша сего въ князехъ являетъ, словуще имя Михаила Александровича, зань низмѣновахъ родове отъ престола, кождо сынове въcпрiемлюще и владяху землею Рускою отъ православнаго Владимера, Александра, егожесынъ сый пресловущи Михаилъ, о семъ же слово начахомъ, зговѣніемъ честное повелѣніе дрьжаще и зѣло скоропытнѣ искавше! образъ бытіа его, когда родися, и како Богомъ утвержаемъ въ крѣпости възраста, и колико мужества на земли храбрости показа, наипаче же елми кь Богу вѣру въ дѣлехъ стяжа. Зачало рожденіа его сице глаголеть, яко дрьжавному Александру владѣюще землею Рускою, Володимеремъ, и Великымъ Новымгородомъ, и всею страною до моря Варяжского, и пакы Новымградомъ Нижнимъ и до предѣлъ Измаилтескыхъ, и въсточными странами обонъполъ Устюга до рѣкъ Угорскыхъ, даже и до моря Печерскаго, и повсюду честному его имени възносящеся, О ШввкАл (ѣ) и бысть пущеніемъ Божіемъ въ тыи дни възмогоша иноплеменнищи, глаголемыи Татарове", и на сего Александра завистію вземшеся, царствующу въ нихъ тогда нечестивому (въ) царствіихъ Озбяку, и Шевкалъ? нѣкто именемъ, князь силы его, съй похвалився, и глагола окаaнный цареви своему: «повели ми, о царю, да шедъ убо на Русь, Александра приведу къ тебѣ, а христіане сътворю по воли твоей.» И по съвѣту же поганого, изыиде окаянный и

[ocr errors]

множество вой, и пріиде на Русь, и тако гор-1327 дяся приходитъ въ православный градъ твер-1328

скый, начатъ же многыа пакости христіаномъ творити. Александрь же отвѣщавъ: «да въcпрiиметъ христіанскый губитель мьдзу дѣлатель своихъ, и наполнится мѣра ему безаконіа его, и сѣть, юже простре, да впадется въ ню.» Якоже збысться ему, и въcпріатъ нечестіе пути своего, огнемъ бо попалиша кости церковнаго борителя, и тако скончася въ злобѣ своей безумный, и ровъ, егоже ископа много несмысленный, тако бо увязеся въ сѣтехъ, дѣлехъ рукь своихъ, грѣшникъ, и тако въздасть Господь излиха творящимъ гордыню, и избыены же быша вои нечестиваго, хотѣвше нечествовати на церковь Господа Бога", и тако потребишася отъ града Господня вси творящeи безаконіе. Татарове же слышавше се же, не улучивше безаконнаго желаніа, видѣвше ся посрамлени, събрашеся множество бесчисленое Татарь, съ ними же Иванъ Московскый грядяше и вожъ имъ на град(ы) Тверскыа бываше. Святоучителный же епископь Андрѣй учаше православнаго не збирати воа, ни въ прекы глаголати цареви, егоже посла разсудителный, и отъиде въ градъ свой Пьсковъ, и Татарове же, Александру не сущу въ Тфери, отъидоша въ свою землю. Александрови же княжащу въ Пьсковской земли, ту въ велицѣмъ? Пьсковѣ родися ему сынъ, съй преславный Михаилъ, о немже и слово грядетъ. Озбякъ же, лукавнѣйшій царь паче всеа земля, лестію призва къ себѣ Александра, "и уби его; и тако духомъ горя по Христовѣ церкви, скончася? православный, радуися, получи желаніе свое, еже за христіаны теченіе съврьши(ти), и въcпріатъ мученіа добропобѣдный вѣнецъ отъ рукы Вседрьжителя, чистое же тѣло положено бысть въ церкви святого Спаса у отецъ своихъ. Бла

[ocr errors][ocr errors][merged small]

ли

[ocr errors]

къ нему, ово же проси земскаго справленія, пресылаа къ тому, яко желаемое получити; и видѣвь благодарна, и дивися паче слышаныхъ о немъ. И поятъ же благодарный Михаилъ дщерь великого князя Костантина Евдокію благоумную?, отъ неяже роди благоразумнаго Ивана, възлюбленнаго сына, егоже въcшита премудрено, наказаа? страху Божію и премудрости человѣчестей. По Александрѣ же братъ его Костантинъ въcпріятъ княженіе Тверское, по Костантинѣ же братъ его Василей въcпріатъ всю власть Тверскую. И бысть Василіеви Тверскый столъ дрьжащу, Михаилови же възмужавшу, възмагающу, и познавашеся отъ всѣхъ человѣкъ, яко сы хощеть Богь свободити люди своa отъ великыя нужа иноплеменникъ; и величаху людіе зело, и мнози дары прихождаху къ нему, вси сынове Тверстіи? прилагахуся къ нему и храбри служаху ему. Сій же въ крѣпости разума утвержахуся, сатана же, искони завистникъ сій, пакостникъ добру христіанскому, не трыпяще зрѣти христіане мирно живуще егда видяще и благочиненно, и паче веселящеся, егда видяще тоa смущаемы отъ него ово нашествіемъ иноплеменникъ, наводя на нихъ, иногда же межи тѣми сами(ми) Христовыми человѣки братоненавидство и непріаственныа мрежа пропинаа, да въ нихъ углебшая отъ сихъ порадоватися хотяще? зело, якоже добляго Михаила видя къ Богу несъвратную вѣру вь дѣлехъ имуща, и людми Божіими пекущеся, и сими ратомысленаго лукаваго ополченіа побѣжающа, и пакостяще тому лукавый. Научи бо Елену, тогда сущу княгыну великую, да много завистнана глаголеть на него мужу своему, и начатъ же сице глаголати князю своему: «видиши, господине мой, сый Михаиль възмагаетъ, а старшаго ти брата сынъ, и есть мужъ доблій, сладокъ всѣмъ, и весь градъ Тверскый любитъ его, да убо хощетъ княжи(ти) на град(ѣ) семъ, сынове ваши изгнани будутъ.» Василей же начатъ гнѣватися на Михаила, и зло враждоваше на него, но Господь Богь человѣколюбецъ, иже никогдаже оставляетъ надѣющих— ся на нъ. НАчАло вкли кого княжкн1А князя МихлиллАлвкслндровичА. Въ то же время благодарный великій князь Михаилъ, благодаря Господа Бога, въспріа отчествіе свое градъ Тверскый, и тако милостію Божіею бысть великый князьТверскый и всеаБогомъ порученыа ему области Тверскаго настолованія, пребываa въ многыхъ временехъ, велику сый храбрость показа многу, и грады многы вземъ покоривыися любовію, а непокоривыа мечемъ. Кто можетъ исчести того мужества, елико въ бранехъ показа, и того побѣди, елико на ратехъ яви? И хвалень бѣ зе(ло) по всей земли Тферстѣй, и благонравіа ради, и мужества ради и крѣпости, яко мужь борецъ бѣ и не страшивъ ко брани, но рaтоборецъ славящеся, и сладокъ же бѣаше дружинѣ своей, яко не любляше злата, ни ризъ многоцѣнныхъ, но вся, елико имѣаше, и симъ подавъ родомъ вашимъ, дружинѣ своей. Сего ради друголюбецъ прозвашеся, зане яко обидно здержаше другы своа; и не имѣаше единого или дву любити паче инехъ всѣхъ, но къ всѣмъ разсудинѣ достойную честь подаваше и сладкую любовь простираше. Сего ради зѣлно мнози служаху ему, и сынове силныхь прилагахуся ему, и дворъ его день отъ дне множайше крѣпляшеся. Княжащу же ему, и вся, елико аще творяй, успѣваше, по пророку, и Господь Богъ възвыси и прослави рогъ Тверскыя земля, многaа благаа и земнаa въcпріать, якоже речеся. Быша бо ему сынове смыслени и храбри, и доброволне повеселишася предъ Господемь о сынѣ сыновь своихъ, и бяше о всемъ доб

[ocr errors]
[graphic]
[ocr errors]
[ocr errors]

пода Бога, радовашеся зря землю свою всѣми благыми кипящу предъ очима. Но убо о семъ прекратимъ слово и кончаемъ бесѣду, и наЧНеМЪ О ИХЖе НаЧаХОМь. н1А вкли кого князя ИвАнА МихлиловичА ТвкРскАго. Князь же великый Иванъ Михаиловичъ, благодаривъ Господа Бога, сидя на столѣ дѣднѣ и отчи, въ церкви святаго Спаса, въ лѣто 6908, и тако силою Божіею бысть великый князь богохранимаго града! Тфери; людіе же радующеся, благодарному въспѣша многа лѣта. Тои же зыми князь Семень Дмитріевичь Суздалскый съ царевичемъ Ентякомъ взяли Нижній Новградъ. Бѣ же въ то время воев(о)да Масковскій Володимеръ Даниловичь. И то слышавъ князь великій Василей Московскый, посла брата своего князя Юріа, и взя Болгары, и Жюкотинь, и Казань, Кермана иныхъ въ плѣнъ

НАчАло княжк

чюкъ, и много избиша, поведоша. Тои же зыми князь Иванъ Всеволодичь съ Москвы пріихалъ въ Тверь. Въ лѣто 6908. Вынесоша князю великому Ивану ярлыкъ? отъ царя Нашанебѣка, а Темиръ Кутлуй умре; и пріиде Гурлень, а съ нимъ посолъ царевь Софря съ ярлыкомъ на Тверское княженіе. Того же лѣта Баязы(та), Татарскаго царя, Темиръ Аксакъ уби? царь. Въ лѣто 6911. Князь великій Иванъ Михаиловичь Тверскый постави городъ Опокы на Волзѣ близъ Ржевы, а на Городку постави церковь камену святаго Николы. Тои же осени князь Василей Кашинскій не? почалъ слушати брата своего старшаго великого князя Ивана, и поиде ратію къ Кашину, а самъ увернулься, и отпусти сына своего князя Александра: князь же Василей побѣже къ Москвѣ, а князь Александрь Кашинъ засяде. Того же лѣта слитъ бысть колоколъ святому Спасу благовѣстникъ княземъ Иваномъ Михаилови

[merged small][ocr errors][ocr errors][ocr errors]
[graphic]
« ПредыдущаяПродолжить »