Repetitur Antiphona.

*

Dissipa gentes, quæ bella volunt: venient legati ex Ægypto: Ethiopia præveniet manus ejus Deo.

Repetitur Antiphona.

Regna terræ, cantate Deo: * psallite Domino.
Repetitur Antiphona.

Psallite Deo, qui ascendit super cœlum cœli, *ad Orientem.

Repetitur Antiphona.

Ecce dabit voci suæ vocem virtutis: date gloriam Deo super Israel: * magnificentia ejus, et virtus ejus in nubibus.

Repetitur Antiphona.

Mirabilis Deus in Sanctis suis, Deus Israel ipse dabit virtutem et fortitudinem plebi suæ: * benedictus Deus.

Et non dicitur Gloria Patri, sed Antiphona repetitur. Interim dum Antiphona et Psalmi prædicti dicuntur, Sacerdos circuit Ecclesiam intrinsecus aspergendo: aspergit etiam speciali ter loca contaminata. Quo facto, stans in Presbyterio versus ad Altare, dicit:

DEUS, qui in omni loco dominationis tuæ

clemens et benignus purificator assistis: exaudi nos, quæsumus, et concede, ut in posterum inviolabilis hujus loci permaneat benedictio: et tui muneris beneficia, universitas fidelium, quæ supplicat, percipere mereatur. Per Christum Dominum nostrum.

R. Amen.

Deinde dicitur Missa de die occurrenti.

Simplex Sacerdos tantum ex privilegio Sedis Apostolicæ potest Ecclesiam ab Episcopo consecratam reconciliare, et tunc utatur ritu in Pontificali præscripto; procedatque indutus amictu, alba, cingulo stola, et pluviali albi coloris, adhibitis secum aliis Presbyteris, et Clericis superpelliceis indutis cum Aqua ab Episcopo ad hunc usum rite benedicta.

RITUS BENEDICENDI NOVUM CEMETERIUM PER
SACERDOTEM AB EPISCOPO DELEGATUM.

PRIDIE quam fiat benedictio, ponitur in medio Coemeterii benedicendi lignea Crux, alta ad staturam hominis, et ante ipsam Crucem in terra figitur paxillus tridens ligneus altus ad cubitum unum, aptus ad affigendum illi tres candelas.

Sequenti die mane Sacerdos in Sacristia paratus amictu, alba, cingulo, stola, ac pluviali albi coloris, adhibitis aliquot Sacerdotibus et Clericis indutis superpelliceis, qui deferant vasculum Aquæ benedictæ, aspergillum, et thuribulum cum incensi navicula, et hoc Rituali libro, et tribus candelis cereis, procedit ad Cometerium benedicendum, ante Crucem in medio positam, et affiguntur, et accenduntur tres candela super ligneum paxillum: et Sacerdos ante Crucem et candelas stans, discooperto capite, dicit:

Oremus.

MNIPOTENS Deus, qui es custos animarum, et tutela salutis, fides credentium: respice propitius ad nostræ servitutis officium, et ad introitum nostrum purgetur, benedicatur, et sanctificetur hoc Cœmeterium, ut humana corpora hic post vitæ cursum quiescentia, in magno judicii die simul cum felicibus animabus mereantur adipisci vitæ perennis gaudia. Per Christum Dominum nostrum. R. Amen.

Mox ante ipsam Crucem omnes genibus flexis dicunt Litanias ordinarias, incipiente Cantore, cæteris respondentibus; et cum dictum fuerit: Ut omnibus fidelibus defunctis, etc. Te rogamus, audi nos. Sacerdos surgit et clara voce dicit, producens manu signum Crucis: Ut hoc Cometerium purgare, et benedicere digneris, Te rogamus, audi nos. Deinde Sacerdos, ut prius, genuflectit, et Litaniæ perficiuntur.

Quibus finitis, surgunt omnes, et Sacerdos Crucem aspergit Aqua benedicta, dicens Antiphonam: Asperges me, Domine, hyssopo, et mundabor: lavabis me, et super nivem dealbabor.

Psalm. Miserere. 158. dicitur totus ab adstantibus, cum Gloria Patri. Quo dicto, repetitur Antiphona. Dum dicitur Psalmus, Sacerdos circuit, et perambulat totum Cœmeterium, incipiens ad ejus dexteram, aspergens ubique

Aqua benedicta: quo facto, redit ante Crucem, et ad ipsam respicens, dicit:

Oremus.

DEUS, qui es totius orbis Conditor, et humani generis Redemptor, cunctarum

que creaturarum visibilium et invisibilium perfectus dispositor: te supplici voce, ac puro corde exposcimus, ut hoc Cemeterium, in quo famulorum, famularumque tuarum corpora quiescere debent, post curricula hujus vitæ labentia, purgare, benedicere, et sanctificare digneris: quique remissionem omnium peccatorum per tuam magnam misericordiam in te confidentibus præstitisti, corporibus quoque eorum in hoc Cometerio quiescentibus, et tubam primi Archangeli expectantibus, consolationem perpetuam largiter impertire. Per Christum Dominum nostrum.

R. Amen.

Tunc figit in summitate Crucis unam ex tribus candelis ardentibus, et alias duas similiter ardentes in duobus brachiis ejusdem Crucis. Deinde incensat ipsam Crucem, et aspergens Aqua benedicta, redit cum ministris in sacristiam.

ORDO

RECONCILIANDI COMETERIUM VIOLATUM, SIVE ECCLESIÆ CONTIGUUM SIT, SIVE SEPARATUM, UBI ECCLESIA NON EST POLLUTA.

MANE diei, qua facienda est reconciliatio, Sacerdos, si ab Episcopo facultatem habeat,

adhibitis aliis Sacerdotibus et Clericis indutis superpelliceis, in Sacristia, aut alio decenti loco vestitus amictu, alba, cingulo, stola, et pluviali albi coloris, accedit ad medium Cameterii, Clerico vasculum Aquæ benedictæ, et aspergillum deferente, et ibi super tapete genuflectit una cum Ministris, et cantores, aliique omnes, genibus flexis, dicunt Litanias. In quibus cum dictum fuerit: Ut omnibus fidelibus defunctis,

etc.

Te rogamus, audi nos. Sacerdos surgit, et manu dextera producens signum Crucis super Cemeterium, clara voce dicit: Ut hoc Cometerium reconciliare, et sanctificare dig. neris.

R. Te rogamus, audi nos.

Quibus dictis, ut prius genuflectit, Cantoribus Litanias perficientibus. Quibus finitis, surgunt omnes, et Sacerdos, accepto aspergillo cum Aqua benedicta, inchoat Antiphonam: Asperges me, Domine, hyssopo, Clero prosequente, et mundabor: lavabis me, et super nivem dealbabor. Psalm. Miserere. 158. dicitur totus sine Gloria Patri.

In fine repetitur Antiphona, Asperges me,

etc.

Dum hæc dicuntur, Sacerdos circuit totum Coemeterium, incipiens ad ejus dexteram, aspergens ubique Aqua benedicta, præsertim in loco, ubi violatio commissa est. Quo peracto, redit ad locum ubi Litaniæ dictæ fuerunt, et ibi stans dicit: Oremus.