Sic quondam ruptum subiti miracula mundi Effudit Chaos, et primi exsiluere planetæ Cursibus, atque novum stupuerunt sæcula Solem; Tunc radiis fulsere Arcti, secuitpue profundas Orion tenebras: molli et formosior igne Luna per æquoreos radiavit pallida fluctus. Quâcunque aspicio, tremulus per cœrula crescit Ardor, et innumeros stupeo lucescere soles.
Talia miranti sacrâ formidine tota
Mens rapitur; videor stellantia visere templa Numinis, argenteamque domum, lucisque recessus, Solus ubi in vacuo regnat Pater orbis, et igne Cinctus inexhausto, devolvit stamina fati, Equatoque regit varium discrimine mundum.
At tu corporeis anima haud retinenda catenis, Libera quæ letho perrumpis claustra sepulchri, Sublimi spectes etiam nunc lumine mundum, Sideraque, et longo fulgentes limite soles: Hæc tua sunt toto hoc quondam versaberis orbe Devia, et in cunctis pandes regionibus alas. Erroris fugient nebulæ ; fatique licebit Explorare vias, unumque per omnia Numen.
Barbarus evictis referat Sesostris ab Indis Signa; triumphanti se jactet in axe Philippus, Læteturque suum spectans Octavius orbem : Te majora manent: nullis obnoxia curis Regna petis, domitâque nitet victoria morte.
HUMENTES abiere umbræ, et jam lampada opaco Extulit Oceano Phœbus, noctemque fugavit ; Jamque, brevem excutiens somnum, rapit arma Saülus, Ingrediturque iter; hunc denso circum undique ferro Agmina funduntur, strictisque hastilibus horret
Omne solum, et tremulus telorum it ad æthera fulgor. Corripuere viam celeres; jamque alta Damasci Mænia cernuntur, raræque ex æquore turres. Lætatur spectans, immensaque pectore versat Funera, sanguineumque videt fluere undique rivum, Invisamque unâ gentem miscere ruinâ
Posse putat summâ veluti de rupe leæna Sopitas prospectat oves, ubi plurima toto
Incumbit nox campo, illunemque æthera condit. Haud aliter furit, et flammantia lumina torquens Talia voce refert: "Magni regnator Olympi,
Ultricem firma dextram, justoque furori
Annue, et ipse novam spira in mea pectora flammam.
Robora da gladiis insueta, adde ignibus iras.
Hoc Deus, et sese nubis caligine septum Claudit inaccessâ; tellus tremit, et sonat æther, Terque per attonitos vibrantur fulmina campos. Jamque novæ exierant flammæ, et Sol redditus orbi : Assistunt Domino turmæ, gelidamque res urgens Linquit humum Saulus: sed non redit ossibus ardor, Non oculis lumen; subitis exterrita monstris
Haud aliter juveni stupuerunt pectora, quàm cùm Fulmina si flammis straverunt forte bisulcis
Coniferam pinum, aut surgentem in sidera quercum, Agricola exsurgit conterritus, et pede lustrat Exustum nemus, et pallentes sulphure campos. Explorat late noctem, cæcosque volutat
Hinc atque hinc oculos, et ab omni nube Tonantis Expectat vocem. Intereà regione viarum Progreditur notâ, et Syriam defertur ad urbem : Non, oriens qualem nuper Sol viderat, acri
Non animo stragem intentans, non ense coruscus Fulmineo supplex, oculosque ad sidera tendens, Demisså sine fine trahit suspiria mente, Immiscetque preces. Tres illic septus opacâ Nube dies peragit, totidem sine sidere noctes. Intereà nova paulatim sub pectore flamma Nascitur, æthereoque viget nutrita calore:
Erroris fugiunt nebula; sacer ingruit ardor Cœlestisque fides; dant corda immitia pacem, Mutanturque animi: placido ceu murmure labens Eternos ducit per saxa rigentia cursus
Fons sacer, et fluvio tacite mollescit opaco.
Quin etiam, ut perhibent, animam sine corpore raptam
Flammifero alati curru avexere ministri,
Ad superasque domos, et magni tecta Parentis Fulmineæ rapuere rotæ medio æthere vectus Miratur sonitum circumvolventis Olympi, Sideraque, et rutilo flagrantes igne cometas ; Inde cavi superans flammantia mænia mundi, Elysias spectat sedes, et casta piorum Regna, ubi cæruleâ vestitus luce superbit Latè æther, aliis ubi fulgent ignibus astra, Atque alii volvunt lætantia sæcula Soles : puro cernit volitantes aëre Manes,
Quos rutilâ cingit jubar immortale coronâ, Oblitas terrarum animas, venerabile vulgus.
Tertia jamque diem expulerat nox humida cælo, Et medios tenuit per vasta silentia cursus :
« ПредыдущаяПродолжить » |